İyunun 1-də Salyan Tarix-Diyarşünaslıq Muzeyində 1 İyun – Uşaqların Beynəlxalq Müdafiəsi Gününə həsr olunan “Uşaqların sevinc dünyası” adlı əyləncəli tədbir keçirilib.

Tədbirdə məktəblilər və muzeyin fəal ziyarətçiləri iştirak ediblər. Bayram proqramı çərçivəsində uşaqlar üçün intellektual və əyləncəli oyunlar təşkil olunub, onların ifasında mahnılar səsləndirilib, şeirlər təqdim edilib.

Sonda uşaqlara müxtəlif hədiyyələr təqdim olunub, xatirə şəkilləri çəkdirilib.

Rəngarəng proqram iştirakçılara xoş ovqat  bəxş edib.