Hacıqabul rayon Mədəniyyət və Turizm şöbəsi nəzərinizə çatdırır ki, rayon  Tarix-Diyarşünaslıq Muzeyi fəaliyyətini bərpa etdiyi 2003-cü ilin iyun ayından etibarən “Azərxalça” İstehsalat Birliyinin balansında olan və Hacıqabulşəhər İsmət Qayıbov küçəsi 4 ünvanında yerləşən üç mərtəbəli binanın ikincimərtəbəsində, ümumi sahəsi 220 m2 olan iki zalı (ekspozisiya sahəsi) və üç otaqda (direktorun digər işçilərin və fond otaqları) yerləşdirilmişdir.Muzeyin ekspozisiya sahəsi çox kiçik olduğundan əsas fondun yalnız az bir hissəsini   nümayiş etdirməyə şərait vardır.

Göstərilən bina 1975-ci ildə tikilməyə başlamış, 1977-ci ilin aprel ayında istifadəyə verilmiş və hazırda istifadəyəqismən yararlı vəziyyətdədir.Binada muzeylə yanaşı Yeni Azərbaycan Partiyasının rayon təşkilatı, rayon Məşğulluq Mərkəzi (birinci mərtəbə), rayon Gənclər və İdman İdarəsi (ikinci mərtəbə), rayon Mərkəzləşdirilmiş  Kitabxana Sisteminin  9 saylı filialı, rayon Arxivi, Hacıqabul qəzetinin redaksiyası yerləşir.

Muzeyin fəaliyyət göstərdiyi illər ərzində rayon Mədəniyyət və Turizm şöbəsi “Azərxalça” İstehsalat Birliyi ilə icarə müqavilələri bağlamış və muzeyin smetalarında müvafiq bənd yer almadığından icarə məbləğləri (hazırda aylıq 11 manat civarında) daxili imkanlar hesabına ödənilmişdir. Muzeyin xüsusi binası olana qədər onun smetasında icarə haqqının nəzərdə tutulması məqsədə uyğun olardı.