Salyan rayon 4 saylı şəhər kitabxanası 1 saylı orta məktəbdə “Beynəlxalq Ana Dili Günü”nə həsr edilən məlumat saatı keçirmişdir. Kitabxananın müdiri məktəblilərə dünyada məhv olmaq təhlükəsi ilə üzləşən dillərin qorunması məqsədilə hər il keçirilən Beynəlxalq Ana Dili Gününün hər kəsə öz doğma dilinin varlığını hiss etmək, onunla qürur duymaq, onu qorumaq, inkişaf etdirmək hüququ olduğunu bir daha xatırlatmış, ən sadə şəkildə desək, dilin ünsiyyət vasitəsi, bununla bahəm, dilin millətin simasını səciyyələndirən amillərdən biri, bəlkə də, birincisi olmasını xatırlatmışdır. Məktəblilər sonda dil haqqında şeirlər söylədilər.

Salyan rayon Xurşud kənd kitabxanası Ağdərə döyüşlərində şəhid olmuş kənd sakini İsmayılov Loğman Akif oqlunun doğum günü münasibətilə şəhidin ailəsi ilə görüş keçirmiş, şəhidin qəbrini ziyarət etmişdir. Allahdan bütün şəhidlərimizə rəhmət diləyirik.

Salyan rayon 4 saylı şəhər kitabxanası "Ana və uşaq" layihəsinə əsaslanaraq kitabxananın oxucuları olan Quliyevlər ailəsinə səyyar xidmət göstərmişdir.

Salyan rayon şəhər kitabxanası 5 saylı orta məktəbdə Azərbaycan yazıçısı, dramaturqu, jurnalisti, ictimai xadimi, "Molla Nəsrəddin" ədəbi məktəbinin banisi və ideya rəhbəri Cəlil Məmmədquluzadənin 150 illiyinə həsr edilən tədbir keçirdi. Tədbirdə yazıçının “Poçt qutusu ” əsəri məktəblilərlə müzakirə edildi və yazıçı haqqında geniş məruzə oxundu.