04.02.2019-cu il tarixdə Neftçala rayon Mərkəzi Kitabxanasının Oxuculara xidmət şöbəsində “Molla Nəsrəddin” ədəbi məktəbinin banisi, yazıçı-dramaturq Cəlil Məmmədquluzadənin anadan olmasının 150 illiyi ilə əlaqədar geniş sərgi təşkil edildi. Sərgidə görkəmli ədibin seçilmiş əsərləri, haqqında yazılmış kitablar və ölkə başçısı İlham Əliyevin Cəlil Məmmədquluzadənin 150 illik yubileyinin qeyd edilməsi haqqında 17 yanvar 2019-cu il tarixli Sərəncamı öz əksini tapmışdır.

04.02.2019-cu il tarixdə Neftçala rayon MKS-nin Aşağı Surra kənd kitabxana filialında "Cəlil Məmmədquluzadənin 150 illik yubileyinin keçirilməsi haqqında” Azərbaycan Respublikası Prezidentinin Sərəncamına əsasən "İranda hürriyyət" adlı kitab sərgisi təşkil olunub.

Azərbaycan Respublikası Mədəniyyət Nazirliyinin 20.12.2018-ci il tarixli,193 nömrəli əmri ilə təsdiq edilmiş “Gənclərin asudə vaxtının səmərəli təşkilinə dair Tədbirlər Planı”nın icrası ilə əlaqədar olaraq tərtib edilmiş Tədbirlər planına əsasən 02.02.2019-cu il tarixdə Neftçala rayon MKS-nin 2 saylı şəhər kitabxana filialının kitabxanaçıları gənc, həvəskar təbiətsevər Qasımov Qoşqarın bağında oldu. Təbiətsevər gənc kitabxanaçılara ağacların calaq olunması, hazırladığı istixana, becərdiyi güllər haqqında ətraflı məlumat verdi.

02.02.2019-cu il tarixdə Neftçala rayon MKS-nin 1 saylı şəhər kitabxana filialı fiziki qüsurlu oxucu Zaur Abdullayevin ailəsinə səyyar xidmət təşkil etdi.

02.02.2019-cu il tarixdə Neftçala rayon Mərkəzi Kitabxanasında hörmətli şairimiz Müzəffər Məzahimin "Məmməd Araz" mükafatına layiq görülməsi ilə əlaqədar "Ömrün yadda qalan anları" adlı ədəbi gecə keçirildi. Ədəbi gecədə ASKEF-in Neftçala təmsilçisi Ələkbər Zahidov, şair və yazıçılar Zabil Pərviz, Cəmaləddin Əjdəroğlu, Ənvər Qənbəroğlu, Zərxanım Ülvi, İmanverdi Zeynalov, rayonun bir sıra ziyalıları və ictimaiyyət nümayəndələri iştirak edirdilər. Azərbaycan Yazıçılar Birliyinin Muğan bölməsinin sədri Nəbi İbrahimli mükafatı şairə təqdim etdi. Biz də kollektivimiz adından şairi ürəkdən təbrik edir, ona uzun ömür, möhkəm cansağlığı və yeni-yeni yaradıcılıq uğurları arzulayırıq!..

01.02.2019-cu il tarixdə Neftçala rayon MKS-nin Aşağı Surra kənd kitabxana filialında İmadəddin Nəsiminin 650 illik yubileyi ilə əlaqədar “2019-cu il-Nəsimi ili” başlıqlı sərgi təşkil edildi.