17.01.2019-cu il tarixdə Neftçala rayon MKS-nin Aşağı Surra kənd kitabxana filialında “20 Yanvar” başlıqlı sərgi təşkil edildi.

19.01.2018-ci il tarixdə Neftçala rayon MKS-nin Xəzərkənd kənd kitabxana filialı 20 Yanvar hadisələri ilə bağlı sərgi təşkil etmiş, məktəblilərlə görüş keçirmişdir. Görüşdə ibtidai sinif mülliməsi Ülkər Səlimova şəhidlərin şərəfli yolu haqqında məktəbli oxuculara ətraflı məlumat vermişdir.

19.01.2019-cu il tarixdə Neftçala rayon MKS-nin Xolqarabucaq kənd kitabxana filialı Mədəniyyət evi ilə birlikdə “20 Yanvar faciəsindən 29 il ötür”  adlı  dəyirmi masa təşkil etdi. Əvvəl şəhidlərin ruhu bir dəqiqəlik sükutla yad edildi. Kitabxanaçı G.Səlimova, Mədəniyyət evinin müdiri K.Əliyev bu tarixi gün haqqında çıxış etdi. Sonda kənd şəhidlərinin məzarları ziyarət olundu.

19.01.2019-ci il tarixdə Neftçala rayon MKS-nin 1 saylı şəhər kitabxana filialı Neftçala rayon Folklor evinin əməkdaşlığı ilə 20 Yanvar faciəsinin 29-cu ildönümü ilə bağlı “And yerimiz- şəhidlər” adlı anım günü keçirdi. Anım günündə T.Həsənova 20 Yanvar şəhidləri haqqında geniş məlumat verdi. Sonra uşaqların şəhidlər haqqında hazırladıqları şeirlər dinlənildi. Sonda şəhidlərin abidəsi önünə gül dəstəsi qoyularaq, onların xatirəsi bir anlıq sükutla yad edildi.

21.01.2019-cu il tarixdə Neftçala rayon Mərkəzi kitabxanasının Uşaq şöbəsi Neftçala rayon V.Həmidov adına 3 saylı Körpələr evi-Uşaq Bağçasında növbəti nağıl saatı keçirdi. Uşaq şöbəsinin işçisi A.Həsənova körpələrə “Şəngülüm, Şüngülüm, Məngülüm” nağılını oxudu. Nağıl uşaqların çox xoşuna gəldi.

18.01.2019-cu il tarixdə Neftçala rayon Mərkəzi Kitabxanasında Azərbaycan musiqi sənətində böyük xidmətləri olan Xalq artisti, bəstəkar Şəfiqə Axundovanın anadan olmasının 95 illiyi ilə əlaqədar şərgi təşkil edilmişdir. Sərgidə bəstəkarın haqqında yazılmış kitablar sərgilənmişdir. Sərgi geniş oxucu kütləsi üçün nəzərdə tutulmuşdur.

21.01.2019-cu il tarixdə Neftçala rayon Mərkəzi Kitabxanasının Oxuculara xidmət şöbəsi Muğan liseynin X sinfində Azərbaycanın Xalq artisti, bəstəkar Şəfiqə Axundovanın anadan olmasının 95 illiyi ilə əlaqədar “Şərqin nəğməli qızı” adlı xatirə gecəsi kecirdi. Tədbirdə kitabxanaçı G.Quliyeva Xalq artisti, “Şöhrət” ordenli, Şərqdə opera yazan ilk qadın bəstəkar, yüzlərlə mahnının müəllifi, minlərlə insanın sevimlisi Ş.Axundovanın həyat və fəaliyyəti haqqında məlumat verdi. Sonda bəstəkarın həyat və yaradıcılığı haqqında videoçarx nümayiş etdirildi.