14.01.2019-cu il tarixdə Neftçala rayon MKS-nin Şorkənd kənd kitabxana filialının kitabxanaçıları 20 Yanvar faciəsinin 29-cu ildönümü ilə əlaqədar kənd məktəbinin VII sinfində şagirdlər arasında sorğu keçirmişlər.

14.01.2019-cu il tarixdə Neftçala rayon MKS-nin 2 saylı şəhər kitabxana filialında  şair Əli Tudənin 95 illik yubileyi münasibətilə “Azərbaycan Demokratik poeziyasının təməl daşı” adlı şeir dəqiqələri keçirilmişdir.

14.01.2019-cu il tarixdə Neftçala rayon Mərkəzi Kitabxanın Oxuculara xidmət şöbəsinin kitabxanaçıları Neftçala şəhər Muğan liseyinin IX sinfində Milli Qəhrəmanlarımız  Mətləb Quliyevin 60, Mirzə Quliyevin 45, Vasili Əliyevin 60, Rövşən Abdullayevin 50, Səyavuş Həsənovun 55, Hikmət Muradovun 50 illik yubileyləri ilə əlaqədar “Vətənin mərd oğulları” adlı məlumat günü keçirmişlər. Kitabxanaçı Z.Məmmədova şagirdlərə məlumat verərək bildirdi ki, Milli  Ordunun əsgərləri düşmənə qarşı mübarizədə mətanətlə vuruşmuşlar. Sonra kitabxanaçı Milli Qəhrəmanların həyatından və keçdiyi döyüş yollarından bəhs edərək qeyd etdi ki, vətən uğrunda canlarından keçən vətən oğullarını Azərbaycan xalqı heç vaxt unutmayacaq. Sonda şagirdlər Milli Qəhrəmanlar haqqında sərgilənən kitablara baxış keçirdilər. 

 15.01.2019-cu il tarixdə Neftçala rayon Mərkəzi Kitabxanasının Oxuculara xidmət şöbəsində 20 Yanvar Milli Hüzn Gününün 29-cu ildönümü ilə əlaqədar “Qanlı və şanlı gecə” başlıqlı kitab, şəkil və digər çap materiallarından ibarət geniş sərgi təşkil edilmişdir. Sərgidə o müdhiş gecə Azərbaycan xalqının başına gətirilən müsibətlərdən bəhs edən və eləcə də o qorxunc gecədə şəhid olan xalqımızın igid oğul və qızları haqqında olan kitab və digər materiallar nümayiş etdirilmişdir. Sərgi geniş oxucu kütləsi üçün nəzərdə tutulmuşdur.