24.12.2018-ci il tarixdə Neftçala rayon Mərkəzi Kitabxananın Oxuculara xidmət şöbəsində  “Sosial bəla – insan alverinə qarşı mübarizə” adlı informasiya günü keçrilmişdir. Tədbirdə çıxış edən Oxuculara xidmət şöbəsinin müdiri F.Məmmədova insan alveri, onun təhlükəsi və fəsadları haqqında məlumatlılığın artırılması məqsədilə belə maarifləndirici tədbirlərin keçrilməsinin vacib olduğunu qeyd etdi. O, çıxışında respublikanın vətəndaşları üçün layiqli həyat səviyyəsinin təmin edilməsinin dövlətin ali məqsədi olduğunu qeyd edərək, ölkə başçısı İlham Əliyevin Azərbaycan Respublikasında insan alverinə qarşı mübarizəyə dair 2014-2018-ci illər üçün Milli Fəaliyyət Planı haqqında 2014-cü il 24 iyul tarixli Sərəncamını xüsusilə vurğuladı. Sonra insan alverinə qarşı mübarizə ilə bağlı ölkədə görülən işlər, keçrilən tədbirlərdən ibarət videoçarx nümayiş etdirildi. Sonda mövzu ilə bağlı nümayiş etdirilən hüquqi ədəbiyyatlar haqqında iştirakçılara məlumat verildi.

21.12.2018-ci il tarixdə Neftçala rayon MKS-nin Mürsəqulu kənd kitabxana filialında Sovet İttifaqı Qəhrəmanı, kəşfiyyatçı Mehdi Hüseynzadənin anadan olmasının 100 illiyi ilə əlaqədar “Əfsanəvi qəhrəman” adlı məlumat günü keçirilmişdir.

25.12.2018-ci il tarixdə Neftçala rayon Mərkəzi Kitabxananın Oxuculara xidmət şöbəsində ədəbiyyatşünas, tərcüməçi, publisist şair Əli Nəzminin anadan olmasının 140 illiyi ilə əlaqədar  “Görkəmli ədəbiyyatşünas və işıqlı şəxsiyyət” adlı sərgi təşkil edilmişdir. Sərgidə “Molla Nəsrəddin” ədəbi məktəbinin görkəmli nümayəndəsi kimi tanınan şairin əsərləri və haqqında yazılan kitablar sərgiləndi. Sərgi geniş oxucu kütləsi üçün nəzərdə tutulub.

25.12.2018-ci il tarixdə Neftçala rayon MKS-nin Həsənabad qəsəbə kitabxana filialının kitabxanaçıları şərqşünas alim, akademik, Əməkdar elm xadimi Ziya Bünyadovun anadan olmasının 95 illik yubeliyi münasibətilə sərgi təşkil etmişlər.