20.12.2018-ci il tarixdə Neftçala rayon Mərkəzi Kitabxananın Uşaq şöbəsinin kitabxanaçıları Neftçala şəhərində yerləşən humanitar təmayüllü Muğan liseyinin 7­-ci sinif şagirdləri üçün Xankəndinin işğal günü ilə əlaqədar  “Tariximizin qan yaddaşı” adlı məruzə ilə çıxış etdilər. Kitabxanaçı Ə.Nuriyeva öz məruzəsində 1989-cu ildən şəhərdə soydaşlarımıza qarşı aparılan etnik təmizləmədən danışdı.

20.12.2018-ci il tarixdə Neftçala rayon MKS-nin 1 saylı şəhər kitabxana filialının kitabxanaçıları M.Səfərov adına İnteqrasiya təlimli internat tipli gimnaziyada əfsanəvi kəşfiyyatçı Mehdi Hüseynzadənin anadan olmasının 100 illiyi ilə əlaqədar məlumat günü keçirdilər.

21.12.2018-ci il tarixdə Neftçala rayon MKS-nin Oxuculara xidmət şöbəsi 1 saylı orta məktəbdə Sovet İttifaqı Qəhrəmanı kəşfiyyatçı Mehdi Hüseynzadənin anadan olmasının 100 illiyi ilə əlaqədar “Unutsaq-unudularıq” adlı ədəbi-bədii kompozisiya keçirmişdir. Tədbirdə baş kitabxanaçı M.Aslanova partizan hərəkatının lideri ”Mixaylo” təxəllüsü ilə tanınan Mehdi Hüseynzadənin hitlerçilərə qarşı mübarizədə, düşmən qərargahlarının, körpülərin, hərbi eşalonların, döyüş sursatı anbarlarının partladılmasında, hərbi əsirlərin azad edilməsində göstərdiyi əfsanəvi qəhrəmanlıqlardan danışdı. O, çıxışında ölkə başçısı İlham Əliyevin xalqımızın qəhrəman oğlu Mehdi Hüseynzadənin 100 illiyinin keçirilməsi haqqında 23 iyun 2018-ci il sərəncamını xüsusilə qeyd etdi.

21.12.2018-ci il tarixdə Neftçala rayon MKS-nin Həsənabad qəsəbə kitabxana filialının kitabxanaçıları Ş.Orucov adına Həsənabad qəsəbə tam orta məktəbində Sovet İttifaqı Qəhrəmanı kəşfiyyatçı Mehdi Hüseynzadənin anadan olmasının 100 illiyi ilə əlaqədar “Əfsanəvi Mixaylo” adlı məlumat günü keçirmişlər.