Salyan rayon Mədəniyyət Mərkəzinin təşkilatçılığı ilə “Füzuli dühası” adlı poeziya gecəsi keçirilib.

 

Böyük Azərbaycan şairi Məhəmməd Füzulinin 530 illiyinə həsr olunan gecədə Şirvan-Salyan Regional Mədəniyyət İdarəsinin rəisi Şahin Şahbazov,  Salyan Rayon İcra Hakimiyyətinin nümayəndəsi Məhərrəm Məmmədov, Xalq rəssamı Əşrəf Heybətov, YAP Salyan rayon təşkilatının sədri Elmar Əhmədov, mədəniyyət müəssisələrinin rəhbərləri, şairlər, yazıçılar, ədəbiyyat adamları və ictimaiyyət iştirak edib.

 

Gecədə Məhəmməd Füzulinin qəzəlləri səsləndirilib, sözlərinə bəstələnən mahnılar ifa olunub, müxtəlif kompozisiyalar təqdim edilib. 

 

Sonda çıxış edən Şirvan-Salyan Regional Mədəniyyət İdarəsinin rəisi Şahin Şahbazov, Salyan rayon Mədəniyyət Mərkəzinin direktoru Ramil Bayramov və YAP Salyan rayon təşkilatının sədri Elmar Əhmədov tədbirdə əməyi keçən mədəniyyət işçilərinə təşəkkürlərini bildiriblər.