Azərbaycan Kinematoqrafçılar İttifaqı və Şirvan-Salyan Regional Mədəniyyət İdarəsinin birgə təşkilatçılığı ilə keçirilən "Şirvanda kino günləri" layihəsi Salyanda öz işinə yekun vurub.

Salyanlı tamaşaçılar Salyan Dövlət Kukla Teatrında rejissor Qulu Əsgərovun "Mən burdayam, İlahi!", Salyan rayon Heydər Əliyev Mərkəzində isə rejissor İntiqam Hacılının "Atam, anam, bir də mən", "İlkin şəhid", rejissor Amil Amalın "Titrəmə", rejissor Qulu Əsgərovun "Hasar" filmlərini izləyiblər. Layihənin qonaq film bölməsində isə rejissor Kürçaylı Məmmədovun "Sabahın xeyir, Sübh anası" filmi nümayiş etdirilib. Nümayişlərdən sonra filmlər müzakirəyə çıxarılıb, rejissorlar tamaşaçıların suallarını cavablandırıblar. Bununla da "Şirvanda kino günləri" layihəsinə son verilib.