Azərbaycan Kinematoqrafçılar İttifaqı və Şirvan-Salyan Regional Mədəniyyət İdarəsinin birgə təşkilatçılığı ilə keçirilən "Şirvanda kino günləri" layihəsi bu dəfə Hacıqabulda təşkil olunub.

Tamaşaçılar Hacıqabul rayon Mədəniyyət Mərkəzində rejissor İlqar Nəcəfin "Suğra və oğulları", Şirin Əhmədovun "Qütb ulduzu", Qulu Əsgərovun "Hasar", Pərviz Həsənovun "Fəsillər", Amil Amalın "Titrəmə", İntiqam Hacılının "İlkin şəhid" filmlərini izləyiblər. Nümayişdən sonra tamaşaçılar filmlər haqqında fikirlərini bölüşüblər.