Azərbaycan Yazıçılar Birliyinin Muğan bölməsi və Salyan rayon Mərkəzi Kitabxanasının birgə təşkilatçılığı ilə Azərbaycan Yazıçılar Birliyinin üzvü, yazıçı-publisist Qəni Camalzadənin oxucularla görüşü baş tutub. Görüşdə şairlər, ədəbiyyatsevərlər və oxucular iştirak edib.

Çıxışlarda Qəni Camalzadənin həyat və yaradıcılığı haqqında geniş söhbət açılıb, əsərləri barədə fikir bildirilib. Şairlər Şahin Həmidli, Zabil Pərviz, Əzizağa Məmmədli və başqaları çıxışlarında Qəni Camalzadə ilə bağlı xoş xatirələrini bölüşüb, şeirlər səsləndiriblər.

Sonda çıxış edən yazıçı Qəni Camalzadə göstərilən diqqətə və görüşə görə təşkilatçılara təşəkkür edib, oxucuların suallarını cavablandırıb. 
 
Görüşdən sonra Qəni Camalzadə “Şeytana daş atanlar”, “Karxana” və “Xilaskarın axırıncı savaşı” adlı kitablarını Mərkəzi Kitabxanaya hədiyyə edib.