Salyan rayon Heydər Əliyev Mərkəzində "Vətən bizim and yerimiz" layihəsi çərçivəsində Azərbaycan Yazıçılar Birliyinin üzvü, yazıçı Raziyə Kamilqızının qələmə aldığı "Hərə bir qəhrəman" kitabının təqdimat mərasimi keçirilib.

Mərasimdə şəhid ailələri, rayon ziyalıları və mədəniyyət işçiləri iştirak edib.

Çıxış edənlər Azərbaycanın müstəqilliyi və ərazi bütövlüyü uğrunda qəhrəmanlıq göstərən vətən övladlarının döyüş yolunun öyrənilməsi, canlarından keçən igidlərin xatirəsinin əbədiləşdirilməsi, onların şücaətinin təbliği, gənclərdə hərbi vətənpərvərlik ruhunun yüksəldilməsi və azərbaycançılıq məfkurəsinin möhkəmləndirilməsində bu cür kitabların böyük rolu olduğunu söyləyiblər.

"Hərə bir qəhrəman" kitabında şəhidlərin şərəfli ömür yoluna həsr olunan publisistik məqalələr, xatirələr və şeirlər yer alıb