Salyan rayon Mədəniyyət Mərkəzinin təşkilatçılığı ilə "Yaşıl dünya naminə həmrəylik ili" çərçivəsində "Dünyamızı qoruyaq" adlı konsert proqramı təşkil olunub.

Salyan Dövlət Kukla Teatrında keçirilən tədbirdə Şirvan-Salyan Regional Mədəniyyət İdarəsinin rəisi Şahin Şahbazov, YAP Salyan rayon təşkilatının sədri Elmar Əhmədov, rayon icra hakimiyyətinin rəsmiləri, ziyalılar, mədəniyyət nümayəndələri və ictimaiyyət iştirak edib.

İlk olaraq şəhər və kənd klublarının təqdim etdiyi rəsm və əl işlərindən ibarət sərgiyə baxış olub. Sonra çıxış edən natiqlər "Yaşıl dünya naminə həmrəylik ili" ilə əlaqədar keçirilən müxtəlif tədbirlər haqqında danışıblar. 

Konsert proqramında Əməkdar artist Həsənağa Sadıqov adına "Mahirlər" Xalq Ailə Ansamblı, "Gənclik" İnstrumental Xalq Ansamblı və solistlərin ifasında maraqlı musiqi nömrələri və kompozisiyalar təqdim edilib.