Şirvan şəhər Heydər Əliyev Mərkəzi və Şirvan-Tarix Diyarşünaslıq Muzeyinin birgə təşkilatçılığı ilə 28 May Müstəqillik Gününə həsr olunan "Milli müstəqillik tariximizin şərəf salnaməsi" adlı tədbir təşkil edilib. Tədbirdə Şirvan şəhər Mülki Müdafiə "N" saylı hərbi hissəsinin şəxsi heyəti və mədəniyyət nümayəndələri iştirak edib. Çıxış edənlər milli istiqlal tariximizin şərəfli səhifəsi olan Azərbaycan Xalq Cümhuriyyətinin yaranma tarixi, qısa vaxt ərzində həyata keçirdiyi islahatlar, ölkənin demokratikləşməsi və insan hüquqları sahəsində atılan addımlar, dövlətçiliyimizin möhkəmləndirilməsi, müstəqil ölkəmizin ən böyük uğurlarından olduğu qeyd ediblər.

Şirvan şəhər Mərkəzi Kitabxanası və Şirvan İqtisadiyyat və Humanitar Kollecin birgə təşkilatçılığı ilə "Bir kərə yüksələn bayraq bir daha enməz" adlı tədbir keçirilib. Tədbirdə 1918-1920-ci illərdə Azərbaycanda ictimai-siyasi vəziyyət, respublikanın yaradılması, qurucuları haqqında ətraflı məlumat verilib.