Şirvan şəhər Heydər Əliyev Mərkəzində ümummilli lider Heydər Əliyevin anadan olmasının 101-ci ildönümünə həsr olunan "Heydər Əliyev: Azərbaycanın memarı" mövzusunda tədbir
keçirilib. Tədbirdə Şirvan Şəhər İcra Hakimiyyətinin başçısı İlqar Abbasov, millət vəkili İltizam Yusifov, şəhərin hüquq-mühafizə orqanlarının, regional təşkilatların, idarə və müəssisələrin rəhbərləri və ictimaiyyət nümayəndələri iştirak edib. Çıxışlarda dahi rəhbərin örnək olan həyatı və siyasi fəaliyyətindən söhbət açılıb.

Salyan rayon Mədəniyyət Mərkəzi dahi şəxsiyyət Heydər Əliyevə həsr olunan "Sən elə bir zirvəsən" adlı konsert təşkil edib. Konsertdə Salyan Rayon İcra Hakimiyyətinin başçısı Sevindik Hətəmov, rəsmilər və ictimaiyyət iştirak edib.

Biləsuvar rayon Nihad Babayev adına Xırmandalı kənd Uşaq İncəsənət Məktəbi Müşfiq Abbasov adına tam orta məktəbdə ümummilli lider Heydər Əliyevin 101 illiyinə həsr edilən tədbir təşkil edib. Tədbirdə Şirvan-Salyan Regional Mədəniyyət idarəsinin əməkdaşları, müəllim və şagird kollektivi iştirak edib. Çıxışlardan sonra vətənpərvərlik mahnılarından ibarət konsert proqramı təqdim olunub.

Biləsuvar rayon Mərkəzi Kitabxanasında ulu öndər Heydər Əliyevin anadan olmasının 101-ci ildönümü münasibətilə tədbir keçirilib. İlk olaraq ulu öndərin abidəsi önünə tər çiçəklər düzülüb, sonra ümummilli lider Heydər Əliyevin və torpaqlarımızın suverenliyi uğrunda canlarından keçən şəhidlərimizin əziz xatirəsi bir dəqiqəlik sükutla yad olunub. Çıxış edən natiqlər ulu öndərin nəsillərə örnək olan həyat yolundan, Azərbaycan dövlətinin möhkəmləndirilməsi və dünyada öz layiqli yerini tutması istiqamətində göstərdiyi siyasi fəaliyyətdən söhbət açıblar.

Neftçala Dövlət Rəsm Qalereyası ümummilli lider Heydər Əliyevin anadan oımasının 101-ci ildönümünə həsr olunan sərgi təşkil edib. Neftçala rayon İcra Hakimiyyətinin başçısı Mirhəsən Seyidov, rəsmilər və ictimaiyyət sərgiyə baxış keçirib.