Şirvan şəhər Heydər Əliyev Mərkəzinin təşkilatçılığı ilə ümummilli lider Heydər Əliyevin anadan olmasının 101 illiyi münasibətilə orta ümumtəhsil məktəblərinin V-XI sinif şagirdləri arasında keçirilən "Heydər Əliyev və bütöv Azərbaycan" adlı şeir müsabiqəsinə yekun vurulub. Təqdim edilən şeirlər münsiflər heyəti tərəfindən qiymətləndirilib və müsabiqənin qalibləri mükafatlandırılıb.

Şirvan şəhər Mədəniyyət Mərkəzində "Azərbaycan tarixinə adını qızıl hərflərlə yazdıran dahi lider" adlı konsert təşkil edilib. Natiqlər konsertdən öncə Heydər Əliyevin həyat və fəaliyyəti, keçdiyi şərəfli ömür yolu haqqında geniş məruzə ilə çıxış ediblər. Bədii hissədə təqdim olunan şeirlər, rəqslər və musiqilər tamaşaçılar tərəfindən maraqla qarşılanıb.

Şirvan Tarix-Diyarşünaslıq Muzeyinin təşkilatçılığı ilə “Heydər Əliyev 101. Yaşıllıq naminə həmrəylik” mövzusunda tədbir keçirilib. Çıxış edənlər ulu öndər Heydər Əliyevin fəaliyyəti dövründə ekoloji vəziyyətin daha da yaxşılaşdırılması, ətraf mühitin mühafizəsi və təbii sərvətlərdən səmərəli istifadə edilməsi məsələlərinin həmişə xüsusi diqqət mərkəzində olduğunu vurğulayıblar. Sonda dahi şəxsiyyət Heydər Əliyevə həsr olunan videoçarx nümayiş etdirilib.

Hacıqabul rayon Heydər Əliyev Mərkəzində  ümummilli lider Heydər Əliyevin 101 illiyinə həsr olunan "Xəmsə" intellektual oyununun final mərhələsi keçirilib. Üç turdan ibarət olan oyunda 10 şəhər məktəbindən 50 şagird iştirak edib. Sonda l, ll və lll yerin qalibləri və qalib komandalar diplomlarla mükafatlandırılıb.