Fikrət Əmirov adına Gəncə Dövlət Filarmoniyası Azərbaycan Respublikası Mədəniyyət Nazirliyinin dəstəyi, Azərbaycan Bəstəkarlar İttifaqı, Azərbaycan Milli Konservatoriyası, Şirvan-Salyan, Gəncə-Daşkəsən, Mərkəzi Aran, Şəki-Zaqatala, Qazax-Tovuz Regional Mədəniyyət İdarələrinin təşkilatçılığı ilə növbəti dəfə 15-20 aprel tarixlərində  "Xalqın mədəni sərvəti" layihəsini təqdim edəcək. 

Layihə görkəmli bəstəkar, Xalq artisti, Dövlət mükafatı laureatlı, "Şərəf nişanı" ordenli, "Şöhrət" ordenli Süleyman Ələsgərovun 100 illiyinə həsr olunacaq.

"Xalqın mədəni sərvəti" layihəsi çərçivəsində Şirvan-Salyan Regional Mədəniyyət İdarəsi və Salyan regional "ASAN xidmət" mərkəzinin birgə təşkilatçılığı ilə təşkil olunacaq konsert 19 aprel 2024-cü il tarixdə saat 11:00-da baş tutacaq.