Salyan Tarix-Diyarşünaslıq Muzeyində Aprel döyüşlərində şəhid olmuş baş leytenant Rəşid Rövşən oğlu Mehdiyevin anım gününə həsr olunan tədbir keçirilib. Tədbirdə şəhid ailələri, rayon rəsmiləri, ziyalılar və mədəniyyət nümayəndələri iştirak edib. İlk olaraq şəhidlərin əziz xatirəsi bir dəqiqəlik sükutla anılıb. Çıxış edənlər Aprel döyüşlərindən, Rəşid Mehdiyevin qısa həyatı və şücaətlərindən bəhs ediblər.
Tədbirdə iştirak edən şəhidin atası Rövşən Mehdiyev oğlu ilə bağlı xatirələrini dilə gətirib. Sonda şəhidin şəxsi əşyalarından ibarət sərgiyə baxış keçirilib.

Şirvan şəhər Mərkəzi  Kitabxanasında "Aprel döyüşləri-qələbəyə aparan yol" adlı xatirə gecəsi keçirilib. Gecədə vətən uğrunda canından keçən şəhidlərin əziz xatirəsi bir dəqiqəlik sükutla yad edilib. Çıxış edən natiqlər Aprel döyüşlərinin tarixi missiyasından söhbət açıblar.