31 Mart - Azərbaycanlıların Soyqırımı Günü ilə əlaqədar Şirvan Tarix-Diyarşünaslıq Muzeyində "31 mart gerçəkləri" adlı tədbir keçirilib. Tədbirin sonunda soyqırıma həsr olunan film nümayiş etdirilib.

Biləsuvar rayon Nihad Babayev adına Xırmandalı kənd Uşaq İncəsənət Məktəbi, F.Muradov adına Xırmandalı kənd Folklor Evi və kənd kitabxanası ilə birgə tədbir təşkil olunub. Tədbir çərçivəsində uşaq incəsənət məktəbinin rəssamlıq şöbəsi şagirdlərinin əl işlərindən ibarət sərgi nümayiş etdirilib.

Hacıqabul rayon Heydər Əliyev Mərkəzi və Tarix-Diyarşünaslıq Muzeyinin birgə təşkilatçılığı ilə 10 saylı tam orta məktəbdə "31 Mart Soyqırımına Heydər Əliyev baxışı" adlı tədbir keçirilib. Tədbirdə çıxış edənlər 31 Mart faciəsindən və bu qətliamın Hacıqabul rayonundan da yan keçməməyindən söhbət açıb, ulu öndər Heydər Əliyevin faciəyə verdiyi tarixi qiymətdən bəhs ediblər.

Salyan Tarix-Diyarşünaslıq Muzeyində 31 Mart - Azərbaycanlıların Soyqırımı Gününə həsr olunan "açıq dərs"lər keçirilib.