Şirvan şəhər Mərkəzi Kitabxanası və Uşaq Musiqi Məktəbində Novruz bayramına həsr olunan şənliklər təşkil edilib.

Tədbirlərdə çıxış edənlər Novruz bayramının xalqımızın mədəniyyətini, milli mənəvi dəyərlərini özündə əks etdirən, dünyaya tanıtdıran qədim el bayramı olduğunu qeyd ediblər.

Hər iki tədbirdə maraqlı musiqi nömrələri və rəqslər təqdim olunub, məktəb şagirdlərinin və musiqi kollektivlərinin ifasında Azərbaycan və xarici bəstəkarların əsərləri və xalq musiqilərindən ibarət rəngarəng konsert proqramı təşkil edilib.