Şirvan şəhər Mərkəzi Kitabxananın uşaq şöbəsi və "Yasəmən" uşaq bağçası-körpələr evi ilə birlikdə "Yaz ətirli Novruzum" adlı tədbir keçirib.
 
Tədbirdə çıxış edən natiqlər Novruz bayramının adət-ənənələri, atributları, xalqımızın milli-mənəvi dəyərləri haqqında  azyaşlılara ətraflı məlumat veriblər.

Sonra tədbirdə uşaqlar arasında "Kosa-kosa", "Qodu-qodu" oyunları təşkil edilib, əsrlərdən bəri süzülüb bu günümüzə qədər gələn folklor nümunələri, bayatılar, sayamalar, deyişmələr söylənilib, rəqs nömrələri nümayiş olunub.