Şirvan-Salyan Regional Mədəniyyət İdarəsinin Biləsuvar şəhər Orxan Əkbərov adına Uşaq İncəsənət Məktəbində  Novruz bayramına həsr olunan “Yurdumuza bahar gəlir” adlı tədbir keçirilib.
Tədbirdə Şirvan-Salyan Regional Mədəniyyət İdarəsinin rəisi Şahin Şahbazov, YAP Biləsuvar rayon  təşkilatının sədri Kamil Qurbanlı, Şirvan-Salyan Regional Gənclər və İdman İdarəsinin Biləsuvar rayonu üzrə gənclər və idman sektorunun müdiri Azad Quliyev, Regional Mədəniyyət İdarəsinin əməkdaşları, müəssisə rəhbərləri, müəllimlər, şagirdlər və valideynlər iştirak ediblər.
Tədbirdə Milli bayramımız Novruza aid adət və ənələlər nümayiş  edilib. Rəssamlıq sinfi şagirdlərinin Novruz bayramına  həsr etdikləri  rəsm  əsərləri və əl işlərindən ibarət sərgi izləyicilərdə  xoş təəssüratlar yaradıb.
Məktəbin musiqi şöbəsinin şagirdlərinin ifasında rəngarəng musiqi nömrələri və xoreoqrafiya sinfi şagirdlərinin çıxışları bayram şənliyinin iştirakçıları tərəfindən alqışlarla qarşılanıb.