Şirvan şəhər Mədəniyyət Mərkəzinin Şirvan Folklor Evi, həmçinin Şirvan klubu Mərkəzi Kitabxana ilə birgə Novruz bayramına həsr edilən konsertlər təşkil ediblər.

Tədbirlərdə Novruz bayramının tarixi haqqında qonaqlara geniş məlumat verilib.

Təqdim olunan konsertlərdə "Gur", "Aysun" rəqs kollektivinin üzvləri, Mədəniyyət Mərkəzinin solistləri, incəsənət ustaları və şairlər baharı tərənnüm edən çıxışlarla tamaşaçıların zövqünü oxşayıblar.