Şirvan şəhər Heydər Əliyev Mərkəzi və Şirvan Dövlət İqtisadiyyat və Humanitar Kollecinin birgə təşkilatçılığı ilə “Ulu öndər Heydər Əliyevin nümunəvi həyat yolu” adlı tədbir keçirilib.

Tədbirdə mədəniyyət işçiləri, müəllimlər və tələbələr iştirak edib.

İlk olaraq ulu öndər Heydər Əliyevin və Azərbaycan Respublikasının ərazi bütövlüyü uğrunda canından keçmiş şəhidlərin əziz xatirəsi bir dəqiqəlik sükutla yad olunub.

Çıxış edən natiqlər Heydər Əliyevin həyat yolunu yüksək insani-əxlaqi keyfiyyətləri özündə təcəssüm etdirən nümunəvi məktəb olduğunu, onun ölkəmizə rəhbərlik etdiyi illərin tariximizə intibah, milli tərəqqi, milli oyanış, nəhayət, müstəqil dövlət quruculuğu dövrü kimi daxil olduğunu qeyd ediblər.

Sonda dahi liderə həsr olunan şeirlər səsləndirilib, film nümayiş etdirilib.