Salyan rayon Mərkəzi Kitabxanada Azərbaycan Yazıçılar Birliyinin üzvü, "Ulduz" jurnalının poeziya şöbəsinin rəhbəri olmuş şairə Fərqanə Mehdiyevanın 60 illik yubileyi qeyd edilib. 

Salyan rayon Mərkəzləşdirilmiş Kitabxana Sistemi, Azərbaycan Yazıçılar Birliyi, Salyan rayon Mədəniyyət Mərkəzi və "Fərqanə" Ədəbi Məclisinin təşkilatçılığı ilə keçirilən tədbirdə Salyan RİH-nin nümayəndələri, ziyalılar və ədəbiyyat adamları iştirak edib.

Ədəbi-bədii gecədə Fərqanə Mehdiyevanın xatirəsi anılıb, haqqında söhbət açılıb, şeirləri səsləndirilib. Sonra şairin şeirlərinə bəstələnən mahnılar ifa edilib.