Şirvan-Salyan Regional Mədəniyyət İdarəsinin dəstəyi və Biləsuvar rayon Nihad Babayev adına Xırmandalı kənd Uşaq İncəsənət Məktəbinin təşkilatçılığı ilə Milli Qəhrəman Mübariz İbrahimovun doğum günü münasibəti ilə tədbir keçirilib.

Biləsuvar rayonunda yerləşən Milli Qəhrəman Mübariz İbrahimovun xatirə muzeyində təşkil olunan tədbirdə Milli Qəhrəman Mübariz İbrahimovun atası Ağakərim İbrahimov, Şirvan-Salyan Regional Mədəniyyət İdarəsinin rəisi Şahin Şahbazov, Nihad Babayev adına Xırmandalı kənd Uşaq İncəsənət Məktəbinin kollektivi iştirak edib.

Tədbirdə Mübariz İbrahimovun keçdiyi döyüş yolundan söhbət açılıb və onun haqqında olan xatirələr yad edilib.

Sonda tədbir iştirakçıları tərəfindən Biləsuvar rayon Nihad Babayev adına Xırmandalı kənd Uşaq İncəsənət Məktəbinin şagirdlərinin Mübariz İbrahimov haqqında çəkdikləri rəsm əsərlərindən ibarət sərgiyə baxış keçirilib.