Salyan rayon Heydər Əliyev Mərkəzində ümummilli lider Heydər Əliyevin anım gününə həsr edilən tədbir keçirilib. Tədbirdə Heydər Əliyevin həyatı və uğurlu siyasətindən söhbət açılıb. Çıxışlarda qeyd olunub ki, Heydər Əliyev müasir Azərbaycan Respublikasının memarıdır.

Hacıqabul rayon Heydər Əliyev Mərkəzində keçirilən tədbirdə ilk olaraq "Ümummilli lider Heydər Əliyev və Azərbaycan Mədəniyyəti 100" adlı sərgiyə baxış keçirilib. Sonra dahi liderin əziz xatirəsi bir dəqiqəlik sükutla yad edilib. Çıxış edənlər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində misilsiz tarixi xidmətlərindən, böyük xilaskarlıq missiyasından danışıblar. Tədbirin sonunda Heydər Əliyevə həsr olunan "Dahi Şəxsiyyət" sənədli filmi nümayiş olunub.