Biləsuvar rayon mədəniyyət müəssisələri arasında intellektual yarış keçirilib.

Ulu öndər Heydər Əliyevin anadan olmasının 100 illik yubileyinə həsr olunan yarışda 7 komanda iştirak edib. Biləsuvar rayon Mədəniyyət Mərkəzinin “eMeM" komandası 1-ci yeri, Biləsuvar rayon Heydər Əliyev Mərkəzinin “Lider” komandası 2-ci yeri, Biləsuvar Dövlət Rəsm Qalereyasının “Zərif əllər” komandası isə 3-cü yeri qazanıb.

Qaliblərin mükafatlandırma mərasimində çıxış edən Şirvan-Salyan Regional Mədəniyyət İdarəsinin rəis müavini Emin Mustafayev bildirib ki, bu cür intellektual yarışlar davamlı olacaq.

Sonda qalib komandalara diplom təqdim edilib.