Azərbaycan Respubilkası Mədəniyyət Nazirliyinin dəstəyi, Üzeyir Hacıbəyli adına Bakı Musiqi Akademiyası və Akademiyanın orta ixtisas musiqi məktəb-studiyasının təşkilatçılığı ilə 13-18 noyabr tarixləri arasında “Akademik, xalq və caz musiqisi” 2-ci Respublika Müsabiqəsi keçirilib.

Müsabiqədə Şirvan-Salyan Regional Mədəniyyət İdarəsi Şirvan şəhər Uşaq Musiqi Məktəbinin 4-cü sinif şagirdi Zəhra Cavadzadə (müəllim Elza Nəhmədova) fortepiano nominasiyası üzrə diplomant adına layiq görülüb, 5-ci sinif şagirdi Sima Ağazadə isə (müəllim Güllü Əskərova) fortepiano nominasiyası üzrə həvəsləndirici diplomla mükafatlandırııb.

Həmçinin müsabiqədə Şirvan-Salyan Regional Mədəniyyət İdarəsi Neftçala şəhər Camal İsmayılov adına Uşaq İncəsənət Məktəbinin 5-ci sinif şagirdi Vüsal Sultanlı da iştirak edərək, laureat adına layiq görülüb və təqdimatdan sonrakı qala-konsertdə çıxış etmək hüququnu qazanıb.