Özbəkistan Respublikasının Surxandərya vilayətinin Kuğurcaq Dövlət Teatrı və Salyan Dövlət Kukla Teatrı arasında bağlanmış əməkdaşlıq müqaviləsi çərçivəsində Azərbaycana qastrol səfər təşkil olunub.

Biləsuvar rayonunda qastrolda olan Kuğurcaq Dövlət Teatrının kollektivi tərəfindən Biləsuvar rayon Mədəniyyət Mərkəzində “Karvansaray“ tamaşası nümayiş olunub. Tamaşa azyaşlı uşaqlar tərəfindən sevinclə qarşılanıb.

Tamaşadan sonra Biləsuvar Rayon İcra Hakimiyyətinin Başçısı Faiq Qürbətov və Şirvan-Salyan Regional Mədəniyyət İdarəsinin rəisi Şahin Şahbazov səfərdə olan kollektivin üzvləri ilə görüşərək aktyorlara yaradıcılıq fəaliyyətində uğurlar arzulayıblar.