Hacıqabul rayon Mədəniyyət Mərkəzində “Heydər Əliyevin Azərbaycan mədəniyyətinə töhfəsi” adlı tədbir keçirilib.

“Heydər Əliyev İli” çərçivəsində keçirilən tədbirdə Hacıqabul Rayon İcra Hakimiyyətinin başçısı Rüstəm Xəlilov, hüquq-mühafizə orqanlarının, həmçinin rayonun idarə, müəssisə və təşkilatların əməkdaşları və rayon ictimaiyyətinin nümayəndələri iştirak edib.

Çıxış edənlər ulu öndərin möhtəşəm zəfərimizə hesablanmış parlaq siyasəti və gərgin əməyi, həmçinin mədəniyyətin formalaşmasında atdığı addımlar barədə danışıblar.

Tədbirin bədii hissəsində mədəniyyət işçilərinin ifasında dahi lider Heydər Əliyevin sevdiyi musiqi, şeir və xalq mahnıları ifa edilib.