Şirvan-Salyan Regional Mədəniyyət İdarəsinə tabe müəssisələrdə Milli Musiqi Günü

Sentyabrın 18-də Salyan şəhər Qulu Əsgərov adına Uşaq İncəsənət Məktəbində Milli Musiqi Gününə həsr olunan tədbir keçirilib. Konsertdə Azərbaycan və dünya klassiklərinin əsərləri təqdim olunub, müəllim və şagirdlərin ifasında geniş konsert proqramı nümayiş etdirilib.

Salyan rayon Mədəniyyət Mərkəzi, Kürqaraqaşlı kənd Diyarşünasıq Evi, Marışlı və Yenikənd kənd Folklor evlərində, Beştalı, Cəngan və Ərəbqardaşbəyli kənd klubları kitabxanalarla birgə "Musiqi ruhun qidasıdır" adlı gecə təşkil ediblər.

Biləsuvar şəhər Orxan Əkbərov adına Uşaq İncəsənət Məktəbində keçirilən tədbirdə musiqi sənətindən söz açılıb, yerli bəstəkarların əsərləri ifa edilib.

Hacıqabul şəhər Uşaq Musiqi Məktəbində dahi Azərbaycan bəstəkarı, musiqişünas, pedaqoq, publisist, ictimai xadim Üzeyir Hacıbəylinin anadan olmasının 138-ci ildönümü münasibətilə əsərlərindən ibarət konsert proqramı təşkil olunub.

Şirvan şəhər Heydər Əliyev Mərkəzi və Uşaq Musiqi Məktəbinin birgə təşkilatçılığı ilə keçirilən tədbir maraqlı musiqi nömrələri ilə yadda qalıb.

Neftçala şəhər Camal İsmayılov adına Uşaq İncəsənət Məktəbinin şagirdləri dahi bəstəkar Üzeyir Hacıbəylini və digər bəstəkarların əsərlərindən ibarət hazırlanan konsert

proqramı ilə rayon ictimaiyyətinin qarşısında çıxış ediblər.