Mədəniyyət Nazirliyi tərəfindən "Şuşa ili" çərçivəsində Şuşa rayonunun və digər bölgələrin uşaq musiqi və uşaq incəsənət məktəblərinin şagirdlərinin iştirakı ilə 28-29 iyun 2022-ci il tarixdə muğam festivalının yekun konserti keçirilmişdir. Festivalda Biləsuvar Regional Mədəniyyət İdarəsi üzrə Biləsuvar rayon Xırmandalı kənd Uşaq incəsənət məktəbinin şagirdi Cahad Qasımlı və Salyan şəhər Uşaq incəsənət məktəbinin şagirdi Aynur Ağamalıyeva iştirak etmişdir. Muğam festivalında yüksək səviyyədə çıxış edən Aynur Ağamalıyeva II dərəcəli Diplomla, Cahad Qasımlı isə Fəxri Fərmanla  mükafatlandırılmışdir.