30 Oktyabr tarixində Salyan Amerika Mərkəzində "Daniel Pearl: Dünya Musiqi Günləri" mövzusunda tədbir keçirilmişdir. Tədbirin iştirakçısı olan məktəblilərə tolerantlığa və insanlığa sadiqliyini bir daha təsdiqləmək üçün musiqidən istifadə edən beynəlxalq konsert şəbəkəsindən bəhs edilmişdir.

13 Noyabr tarixdə Bakı Amerika Mərkəzinin nəzdində “Green Club”un könüllüsü Ayna Əliyeva Salyan Amerika Mərkəzində Ekoloji Təhsil Proqramı haqqında məktəblilərə ətraflı məlumat vermişdir. Proqramın mahiyyəti, strategiyası, qarşıya qoyulan hədəflər və gənc nəslin üzərinə düşən vəzifələr barəsində uşaqlarla müzakirələr aparılmış və onların sualları cavablandırılmışdır.

27 Noyabr tarixdə Salyan Amerika Mərkəzində "Gender - əsaslı zorakılığa qarşı" adlı tədbir keçirilmişdir. Əsas müzakirə mövzuları ailə-məişət zəminində qadınlara qarşı zorakılıq, cinsi səbəblərdən diskriminasiya, vətəndaş cəmiyyətində qadın hüquqları, onların qorunması, bu sahədə maarifləndirmənin metodları və inkişaf perspektivləri olmuşdur. 

11 Dekabr tarixdə Salyan Amerika Mərkəzində Beynəlxalq İnsan Hüquqları  Günü qeyd olunmuşdur. Uşaqlara bildirilmişdir ki, cəmiyyətin, dövlətin inkişafına parallel olaraq onların mövcudluğunu şərtləndirən qanunlar da təkamül edir. Bu qanunların ən əhəmiyyətlilərindən olan insan hüquqlarının qorunmasını və tətbiqini tənzimləyən qanunlara əməl olunması və onların təbliği çox vacibdir. Məktəblilərə konstitusiyamız haqqında da məlumat verildi. İnsan hüquqları ilə bağlı bir çox maddə konstitusiyamızda öz əksini tapmışdır.