23 fevral 2020-ci il tarixdə Bakı Amerika Mərkəzində “Spelling Bee” yarışmasının final mərhələsi keçirilmişdir. Final mərhələsində Salyan rayon üzrə 1-ci yer sahibi Salyan Amerika Mərkəzinin yetirməsi, Arbatan kənd tam orta məktəbin 8-ci sinif şagirdi İlkanə Həmzəyeva olmuşdur.

“Spelling Bee” yarışması ABŞ-ın Azərbaycandakı Səfirliyinin ölkədəki Amerika mərkəzləri ilə əməkdaşlıq edərək məktəblilər üçün keçirdiyi tədrisdənkənar ingilis dili yönümlü fəaliyyətlərinin inkişafını, ingilis dilində düzgün yazma və oxumanın öyrənilməsini, akademik şəraitdə ingilis dilinin sağlam şəkildə mənimsənilməsini təşviq edən yarışdır.