“Şanlı Azərbaycan Ordusu” virtual rəsm müsabiqəsinin

ƏSASNAMƏSİ

Müsabiqənin məqsədi

Bu müsabiqə Regional İdarənin əhatə etdiyi regionda vətəndaşlarda vətənpərvərlik hissini aşılamaq və inkişaf etdirmək, gənclər arasında Azərbaycanın Silahlı Qüvvələrində xidməti təbliğ etmək, əhalinin estetik tərbiyəsini həyata keçirmək və estetik zövqünü formalaşdırmaq, uşaq və gənclərin mədəniyyət sahəsində fəaliyyətini və mədəni sərvətlərdən bəhrələnməsini stimullaşdırmaq, mədəniyyət müəssisələrinin işini populyarlaşdırmaq, rəssamlıq sənətini təbliğ etmək və kütləviləşdirmək, yeni istedadların üzə çıxarılmasına dəstək vermək məqsədilə keçirilir.

Müsabiqənin mövzusu

Müsabiqəyə təqdim olunan rəsmlər Azərbaycan Silahlı Qüvvələrinə, onun tarixinə, bu gününə və gələcəyinə həsr olunmalı, özündə pozitivlik daşımalı və izləyicilərə nikbin əhval-ruhiyyə bəxş etməlidir.

Müsabiqəyə təqdim olunan rəsmlər

Müsabiqəyə təqdim olunan rəsmlər üçün janr, üslub və işləmə texnikası baxımından heç bir məhdudiyyət yoxdur.

Müsabiqə iştirakçılarının yaş qrupu

Müsabiqədə iştirak üçün yaş məhdudiyyəti yoxdur.

Müsabiqənin münsiflər heyəti

Regional İdarənin rəis müavini Rəfiqə Cəfərova – sədr;

Regional İdarənin məsləhətçisi Tural Nəcəfov – üzv;

Biləsuvar Dövlət Rəsm Qalereyasının direktoru Rövşən Cənnətov – üzv;

Neftçala Dövlət Rəsm Qalereyasının direktoru Nigar Abdullayeva – üzv;

Neftçala Tarix-Diyarşünaslıq Muzeyinin direktoru Gülmirə Səfərova – üzv;

Biləsuvar şəhər Uşaq incəsənət məktəbinin rəsm müəllimi Saleh Mürsəlov – üzv;

Biləsuvar rayon Xırmandalı kənd Uşaq incəsənət məktəbinin rəsm müəllimi Miri    Abdullayev – üzv;

Müsabiqəyə təqdim olunan işlərin qiymətləndirilməsi

Münsiflər heyətinin hər bir üzvü təqdim olunan hər bir şəkilə “əla”, “yaxşı” və ya “kafi” qiymətlərindən birini verir. Münsiflər heyətinin sədri qiymətləndirmənin ədalətli aparılmasına nəzarət edir və səslərin bərabər olduğu hallarda həlledici səs hüququna malikdir.

Daha çox yuxarı qiymət alan rəsmlər qalib elan edilir.

  Müsabiqə üçün rəsmlərin qəbulu

Rəsmlər 30X40 sm. ölçüdə hazırlanmalı və şəkil formatında (jpeg, jpg, png və s.) “shefa.seferova@mail.ru” ünvanına göndərilməlidir.  

Müsabiqə üçün rəsmlərin qəbulu 10 iyun – 22 iyun tarixlərində həyata keçirilir. Rəsmlərin qiymətləndirilməsi 25 İyun – Azərbaycan Respublikasının Silahlı Qüvvələr Gününə qədər baş çatır.

Müsabiqə qalibləri Regional İdarə tərəfindən mükafatlandırılacaq.