Xalq yazıçısı, dramaturq, filologiya elmləri doktoru, professor Elçin İlyas oğlu Əfəndiyev 13 may 1943-cü il tarixdə anadan olub. “Ağ dəvə”, “Mahmud və Məryəm” romanları, “Dolça”, “Bir görüşün tarixçəsi” povestləri, “Cəhənnəm sakinləri”, “Teleskop”, “Sənətkarın taleyi” pyesləri və s. əsərlərin, “Arxadan vurulan zərbə”, “Bağ mövsümü” və s. filmlərin ssenari müəllifidir. Azərbaycan Respublikası Baş Nazirinin müavini (1993–2018) olub.