24.01.2020-ci il tarixdə Neftçala rayon MKS-nin Qardaşbəyli kənd kitabxana filialı kənd məktəbində Xalq şairi Zəlimxan Yaqubun 70 illik yubileyi münasibətilə “Bir əlim torpaqda, bir əlim haqda” adlı məlumat günü keçirdi.

27.01.2020-ci il tarixdə E.Həbibov adına 4 saylı orta məktəbin IV sinif şagirdləri Mərkəzi Kitabxanada ekskursiyada oldular.

27.01.2020-ci il tarixdə Neftçala rayon MKS-nin Aşağı Qaramanlı kənd kitabxana filialının kitabxanaçıları şəhid Ağayev Tehran və Kərimov Yaşarın ailələri ilə görüş keçirdilər.

28.01.2020-ci il tarixdə Neftçala rayon MKS-nin 2 saylı şəhər kitabxana filialında Azərbaycan Respublikası Prezidentinin sərəncamına əsasən yubileyi qeyd olunan Xalq artisti, aktrisa Leyla Bədirbəylinin 100 illik yubileyi münasibətilə “Gözəllik əfsanəsi” başlıqlı sərgi təşkil edildi.

28.01.2020-ci il tarixdə Neftçala rayon MKS-nin 2 saylı şəhər kitabxana filialında fəal oxucularla “Kitabxana zamana açılan qapıdır” adlı söhbət keçirildi. Kitabxanaçılar oxucuların intellektual səviyyəsini yoxlamaq üçün “Siz cavablar tapmağa çalışırsınız, biz daha çox soruşmaq niyyətindəyik” qayəsi altında mütaliə etdikləri kitabların müzakirəsini keçirdilər.

27.01.2020-ci il tarixdə Neftçala rayon MKS-nin I Qaralı kənd kitabxana filialında general-mayor Həzi Aslanovun anadan olmasının 110 illiyi ilə əlaqədar “Qəhrəmanlar unudulmur” adlı məlumat günü keçirildi.

27.01.2020-ci il tarixdə Neftçala rayon MKS-nin 1 saylı şəhər kitabxana filialında Azərbaycan Respublikası Prezidentinin 30.12.2019-cu il tarixli sərəncamına əsasən 2020-ci ilin “Könüllülər ili” elan edilməsi ilə əlaqədar sərgi təşkil edildi.