Salyan rayon MKS-nin Kürqaraqaşlı kənd kitabxana filialı Kürqaraqaşlı kənd məktəbində şair, dramaturq, tərcüməçi Əliağa Kürçaylının doğum gününə həsr edilən “Yollarda axtar məni” adlı məlumat saatı keçirmiş, sərgi təşkil etmişdir. Kitabxananın müdiri şairin yaradıcılığı haqqında məktəblilərə məlumat vermişdir.

Salyan rayon Mərkəzi Kitabxanada şair, dramaturq, tərcüməçi, 1951-ci ildən Azərbaycan Yazıçılar Birliyinin üzvü Əliağa Kürçaylının həyat və yaradıcılığına həsr edilən “Təki sən səslə məni “ adlı ədəbi-bədii kompozisiya təşkil edilmişdir. Tədbiri açıq elan edən şair Əzizağa Məmmədli  şairin yaradıcılığı haqqında geniş söhbət apardı.Tədbirdə iştirak edən ziyallılar Allahverdi Piriyev, həkim Afət Ələkbərov, şair Zabil Pərviz şair haqqında geniş məlumat verdilər. Kitabxananın əməkdaşları Xəyalə Mehdibəyli şairin “Sən mənə lazımsan”, 2 saylı kitabxana filialının əməkdaşı Rəqsanə Kərimi “Yadıma sən düşürsən“, 3 saylı kitabxana filialının əməkdaşı Nigar Hüseynova “Gözlərin“, 20 Yanvar qəsəbə kitabxana filialının əməkdaşı Türkan Əliyeva “Həsrətin” şeirlərini söylədilər. Salyan rayon Mədəniyyət Mərkəzinin əməkdaşları şairin sözlərinə bəstələnmiş mahnıları ifa etdilər.