Neftçala rayon Mərkəzi Kitabxanasının Uşaq şöbəsi Neftçala şəhər V.Həmidov adına 3 saylı körpələr evi-uşaq bağçasının fidanları ilə birgə Heydər Əliyevə həsr olunmuş “Azərbaycanın sönməz günəşi” adlı tədbir keçirdi. İlk öncə Neftçala rayon Mərkəzi Kitabxanasının Uşaq şöbəsinin işçiləri, V.Həmidov adına 3 saylı körpələr evi-uşaq bağçasının kollektivi və fidanlar Ulu Öndərin abidəsini ziyarət etdilər. Daha sonra Nağıl otağında Ulu Öndərə həsr olunmuş videoçarx nümayiş olundu.

Neftçala rayon MKS-nin Qardaşbəyli kənd kitabxana filialı ulu öndər Heydər Əliyevin vəfatının 16-cı ildönümü ilə əlaqədar kənd məktəbində “Qürurla anırıq”, Aşağı Surra kənd kitabxana filialı “Dahi şəxsiyyət” adlı informasiya günü keçirmiş, Qədimkənd kənd kitabxana filialında “Xalqa bağlı ömür” adlı anım günü keçirilmişdir.

Neftçala rayon Mərkəzi Kitabxananın Oxuculara xidmət şöbəsi M.Səfərov adına İnteqrasiya təlimli internat tipli gimnaziyada müasir Azərbaycan ədəbiyyatının görkəmli nümayəndəsi Nəbi Xəzrinin anadan olmasının 95 illiyi ilə əlaqədar “Şeir mənim üçün bir kainatdır” adlı şeir dəqiqələri keçirdi.

Neftçala rayon MKS-nin Həsənabad qəsəbə kitabxana filialında kitabxana fonduna yeni daxil olmuş kitabların sərgisi təşkil edildi və məktəbli oxuculara kitablar haqqında məlumat verildi.

Neftçala rayon MKS-nin 1 saylı şəhər kitabxana filialı E.Həbibov adına 4 saylı tam orta məktəbin IV sinfində Xalq şairi Nəbi Xəzrinin anadan olmasının 95 illiyi ilə əlaqədar “Torpaq, sənə and içirəm” adlı məlumat günü keçirdi.