Neftçala rayon Heydər Əliyev Mərkəzində Azərbaycanın dahi şairi, filosof və mütəfəkkir Məhəmməd Füzulinin 525 illik yubileyi ilə əlaqədar dəyirmi masa keçirildi.Tədbirdə Bankə qəsəbə 1 saylı məktəb, Neftçala şəhər 1 saylı tam orta məktəb və Muğan liseyinin müəllim və şagird kollektivi iştirak edirdilər. İlk olaraq Ulu Öndər Heydər Əliyevin Məhəmməd Füzuli haqqında səsləndirdiyi dəyərli fikirlər yada salındı. Sonra Bankə qəsəbə 1 saylı məktəbin Azərbaycan dili və ədəbiyyat müəllimi Şəhrəbanu Babayeva şairin həyat və yaradıcılığı haqqında ətraflı məlumat verdi. Sonda şagirdlər onun qəzəllərindən parçalar səsləndirdilər.