08.02.2020
1935 – Yazıçı-publisist Nazim Sadiq oğlu İbrahimov (1935 – 1.9.2019) Bakıda doğulub. Poliqrafiya və Kitab Ticarəti Komitəsinin sədri, “Azərbaycan” nəşriyyatının baş direktoru işləyib. Ali Sovetin deputatı olub.
1948 – Əməkdar artist Əli Fərman oğlu Allahverdiyev (1948 – 15.6.2010) Samux rayonunda doğulub. Gəncə Dövlət Dram Teatrının aktyoru olub.
1949 – Türkiyənin paytaxtı Ankarada “Azərbaycan Kültür Dərnəyi” təsis edilib. Bu, dünyadakı azərbaycanlıların təşkilatlanması sahəsində ilk mühüm addım idi.
1953 – Xalq artisti Rafael Əli oğlu Bayramov Gəncədə anadan olub. F.Əmirov adına Gəncə Dövlət Filarmoniyasının Kamera orkestrinin bədii rəhbəridir.
1953 – Əməkdar memar Sabir Hidayət oğlu Orucov anadan olub.
1961 – Əməkdar artist, pianoçu İslam Atabala oğlu Manafov Bakıda doğulub. Müxtəlif ölkələrdə konsert proqramları ilə çıxış edib. 2002-ci ildən Türkiyədə yaşayır, pedaqoji və yaradıcılıq fəaliyyəti göstərir. Yeditəpə Universitetinin (İstanbul) dosentidir.
1967 – Əməkdar mədəniyyət işçisi, aşıq Ədalət Dəlidağlı (Ədalət Hacıbaba oğlu Qaraşov) Kəlbəcər rayonunun Yellicə kəndində doğulub.
2003 – Prezident İlham Əliyev “Azərbaycan Xalq Cümhuriyyətinə abidə ucaldılması haqqında” sərəncam imzalayıb.
2004 – Xalq artisti, rejissor, aktyor Lütfi Şahbaz oğlu Məmmədbəyov (6.2.1927 – 2004) vəfat edib. Televiziya tamaşalarına quruluş verib. “Qızmar günəş altında”, “Səhər”, “Sehrli xalat” və s. filmlərdə çəkilib.
2018 – Prezident İlham Əliyev “İçərişəhər” Dövlət Tarix-Memarlıq Qoruğu ərazisində “Maqsud İbrahimbəyov Yaradıcılıq Mərkəzi”nin təsis edilməsi ilə bağlı tədbirlər haqqında sərəncam imzalayıb.
2 fevral Azərbaycan Gəncləri Günüdür.
1996-cı fevralın 2-də Azərbaycan gənclərinin birinci forumu keçirilib. Prezident Heydər Əliyev həmin əlamətdar hadisəni və dövlət quruculuğu sahəsində gənclərin müstəsna rolunu nəzərə alaraq bu tarixin Azərbaycan Gəncləri Günü elan edilməsi barədə sərəncam (1 fevral 1997-ci il) imzalayıb.
1882 – İrəvan şəhər gimnaziyasının müəllimi, maarifpərvər Məşədi İsmayılın şagirdləri ilə birgə hazırladığı V.Mədətovun “Tamahkarlıq düşmən qazanır” pyesinin tamaşası göstərilib. Bununla İrəvanda peşəkar Azərbaycan teatrının əsası qoyulub.
1912 – Xalq artisti, rejissor, Dövlət mükafatı laureatı Məhərrəm Kazım oğlu Haşımov (1912 – 2.5.1969) Bakıda doğulub. Gənc Tamaşaçılar Teatrında, Rus Dram Teatrında baş rejissor işləyib. “Azərbaycanfilm” kinostudiyasının direktoru (1960– 1965) olub. 1932 – Dilçi alim, akademik Ağamusa Ağası oğlu Axundov (1932 – 5.9.2015) Kürdəmirdə doğulub. AMEA-nın Humanitar və ictimai elmlər bölməsinin akademik katibi olub.
1932 – Əməkdar mədəniyyət işçisi Zərifə Teymur qızı Salahova Bakıda anadan olub. Miniatür Kitab Muzeyinin yaradıcısıdır.
1936 – Əməkdar incəsənət xadimi, bəstəkar Rəşid Rza oğlu Məmmədov anadan olub. Naxçıvan Dövlət Musiqili Dram Teatrında bir çox tamaşalara musiqi yazıb.
1940 – Əməkdar memar Feyzulla Ağasəfər oğlu Quliyev anadan olub.
1942 – Əməkdar mədəniyyət işçisi, asıq Yanvar Piralı oğlu Bədəlov (1942 – 27.12.2018) İsmayıllı rayonunun Tircan kəndində doğulub.
1948 – Əməkdar artist, tarzən Ələkbər Sabir oğlu Ələkbərov anadan olub.
1951 – Xalq artisti, instrumental ifaçı (trombonçalan) Vitali Vladimiroviç Astaxin Bakıda anadan olub.
1951 – Əməkdar mədəniyyət işçisi Yusuf Mansur oğlu Şeyxov Bakıda anadan olub. Bədii və sənədli filmlərin ssenari müəllifidir.
1955 – Əməkdar artist Muxtar Şahmar oğlu İbadov (1955 – 23.9.2013) Balakən rayonunda doğulub. Şəki Dram, Dövlət Gənclər teatrlarının aktyoru olub, filmlərə çəkilib.
1957 – Əməkdar artist Sonaxanım Məmmədağa qızı Mikayılova anadan olub. Yuğ Dövlət Teatrında çalışır, filmlərə çəkilib, filmlərin dublyajında iştirak edir.
1961 – Fortepiano və orqan ifaçısı, Əməkdar müəllim, sənətşünaslıq üzrə fəlsəfə doktoru Nəzakət Hüseyn qızı Rimazi Bakıda doğulub. Bakı Musiqi Akademiyasının professorudur.
1983 – Xalq yazıçısı Əli Qara oğlu Vəliyev (27.2.1901 – 1983) vəfat edib. “Qarlı dağlar”, “Anaqız”, “Ötən günlər” və s. kitabların müəllifidir.
2017 – Bakının Niyazi küçəsində yerləşən parkda görkəmli dirijor, SSRİ Xalq artisti, maestro Niyazinin abidəsinin (heykəltəraş – Xalq rəssamı Ömər Eldarov) açılış mərasimi olub.
2018 – Prezident İlham Əliyev Mingəçevir Dövlət Dram Teatrının 50 illik yubileyi haqqında sərəncam imzalayıb. Mingəçevir teatrının yubileyi 2018-ci il oktyabrın 17-də təntənəli şəkildə qeyd olunub.
1891 – İctimai xadim, jurnalist, tərcüməçi Ceyhun bəy Əbdülhüseyn oğlu Hacıbəyli (1891 – 22.10.1962) anadan olub. Dahi bəstəkar Üzeyir Hacıbəylinin kiçik qardaşıdır. Xalq Cümhuriyyəti dövründə “Azərbaycan” qəzetinin redaktoru olub. Sonra mühacirətə gedib, Fransada yaşayıb və orada vəfat edib. Məzarı Parisdədir.
1927 – Moskvada Türk xalqlarının mədəniyyət və incəsənətinin öyrənilməsinə həsr olunmuş Ümumitifaq müşavirəsi başlayıb. İki gün davam edən müşavirədə Azərbaycandan alimlər, sənətşünaslar iştirak edib.
1939 – Yazıçı, publisist Şamil Süleymanlı anadan olub. Kitabları: “Nəğməli ürək”, “Qürbətdən gələn səda”, “Kəsilmiş çinarın kölgəsi” və s. “Yazıçı” nəşriyyatının direktoru işləyib.
1949 – Xalq rəssamı, heykəltəraş Hüseynqulu Əli oğlu Əliyev Ordubad rayon Bist kəndində doğulub. C.Məmmədquluzadə adına Naxçıvan Dövlət Musiqili Dram Teatrının baş rəssamıdır.
1951 – Əməkdar artist Həsənağa Hüseynəli oğlu Hüseynov (1951–2002) Bakıda doğulub. Azərbaycan Dövlət Kukla Teatrının aktyoru olub, teatrda truppa müdiri işləyib.
1951 – Əməkdar artist Şıxı Miriş oğlu Yaqubov Ağdaş rayonunda anadan olub. Mingəçevir Dövlət Dram Teatrının aktyorudur.
1953 – Əməkdar mədəniyyət işçisi Nadir Mirzə oğlu Əzməmmədov Qobustan rayonunun Nərimankənd kəndində anadan olub. Sənədli filmlərin rejissorudur.
1954 – Əməkdar mədəniyyət işçisi, balet üzrə repetitor Sergey Vladimiroviç Boqdanov anadan olub.
1959 – Əməkdar artist Mərdan Əhmədiyyə oğlu Feyzullayev (1959 – 13.8.2017) Şəki rayonunun Kiş kəndində doğulub. Şəki Dram Teatrının baş rejissoru olub. 1994-cü ildən Moskvada yaşayıb, “Səməndər quşu” kukla teatrında rejissor işləyib, özünün yaratdığı “Dərviş” teatrında Azərbaycan müəllifərinin əsərlərini tamaşaya qoyub.
1959 – Əməkdar artist Ramiz Hidayət oğlu Vəliyev anadan olub. Gəncə Dövlət Dram Teatrının aktyorudur.
1967 – Əməkdar artist Əli Əliyusif oğlu Hacıyev anadan olub. Filarmoniyanın, Akademik Opera və Balet Teatrı orkestrinin solistidir.
1990 – Görkəmli aktyor Hamlet Xanızadə (5.6.1941 – 1990) vəfat edib. Kinoda, televiziya və teatr tamaşalarında yaddaqalan obrazlar yaradıb.
2014 – Prezident İlham Əliyev böyük şair və tanınmış maarifçi Mirzə Şəfi Vazehin 220 illik yubileyinin keçirilməsi haqqında sərəncam imzalayıb.
2014 – Bakıda böyük bəstəkar və pedaqoq, SSRİ Xalq artisti, Sosialist Əməyi Qəhrəmanı Qara Qarayevin abidəsinin (heykəltəraş – Xalq rəssamı Fazil Nəcəfov) açılışı keçirilib. Mərasimdə Prezident İlham Əliyev iştirak edib.
1924 – Xalq artisti Firəngiz Abbas Mirzə qızı Şərifova (1924 – 20.2.2014) anadan olub. Uzun illər Gənc Tamaşaçılar Teatrında çalışıb. “Qərib cinlər diyarında”, “Ən vacib müsahibə”, “Bayquş gələndə”, “Qətl günü” və s. filmlərdə çəkilib.
1927 – Xalq artisti, rejissor, aktyor Lütfi Şahbaz oğlu Məmmədbəyov (1927 – 1.2.2004) Ağdaşda doğulub. 50-dək televiziya tamaşasına quruluş verib. “Qızmar günəş altında”, “Səhər”, “Sehrli xalat” və s. filmlərdə çəkilib.
1938 – Xalq artisti Rafiq Əşrəf oğlu Əzimov Bakıda anadan olub. Akademik Milli Dram Teatrında çalışır. Teatrla yanaşı, televiziya tamaşalarında, “Yeddi oğul istərəm”, “Arxadan vurulan zərbə” və s. filmlərdə yaddaqalan obrazlar yaradıb.
1946 – Xalq artisti Yusif Yevgeniyeviç Axundzadə Bakıda doğulub. Müdafiə Nazirliyi Əlahiddə Nümunəvi Orkestrinin baş dirijoru, Ü.Hacıbəyli adına Bakı Musiqi Akademiyasının professorudur.
1946 – Xalq rəssamı Ağaəli Müsəllim oğlu İbrahimov Bakıda anadan olub. Əsərləri müxtəlif ölkələrdə nümayiş olunub. Azərbaycan Rəssamlar İtifaqının katibi, Mədəniyyət və İncəsənət Universitetinin professorudur.
1946 – Əməkdar mədəniyyət işçisi Rafiq Kərimov anadan olub. Azərbaycan Rəssamlar İtifaqının məsul katibidir.
1948 – Əməkdar artist Cəmilə Məhərrəm qızı Məmmədzadə Bakıda anadan olub. Ağdam Dövlət Dram Teatrının aktrisasıdır.
1950 – Xalq artisti, xanəndə Ağaxan Minəxan oğlu Abdullayev (1950 – 25.12.2016) Bakının Əmircan kəndində anadan olub.
1977-ci ildən yaradıcılıqla yanaşı, pedaqoji fəaliyyətlə məşğul olub. Vəfatından sonra (2017) Türkan qəsəbə Mədəniyyət evinə A.Abdullayevin adı verilib.
1954 – Xalq artisti Rövşən Maqsud oğlu Hüseynov Naxçıvan şəhərində doğulub. C.Məmmədquluzadə adına Naxçıvan Dövlət Musiqili Dram Teatrında çalışır.
1998 – “Mədəniyyət haqqında” Azərbaycan Respublikasının Qanunu qəbul olunub. 21 dekabr 2012-ci il tarixdə “Mədəniyyət haqqında” yeni qanunun qəbulundan sonra qüvvədən düşüb.
2008 – Prezident İlham Əliyev Milli Azərbaycan Tarixi Muzeyinin maddi-texniki bazasının yaxşılaşdırılması haqqında sərəncam imzalayıb.
2009 – Prezident İlham Əliyev Xalq yazıçısı Mehdi Hüseynin 100 illik yubileyinin keçirilməsi haqqında sərəncam imzalayıb.
2012 – Prezident İlham Əliyev görkəmli bəstəkar, SSRİ Xalq artisti, Dövlət mükafatları laureatı Fikrət Əmirovun 90 illik yubileyi haqqında sərəncam imzalayıb.
2013 – Prezident İlham Əliyev Xalq yazıçısı Ənvər Məmmədxanlının 100 illik yubileyinin keçirilməsi haqqında sərəncam imzalayıb.
1921 – Bakıda Azərbaycan qadınlarının birinci qurultayı (8–11 fevral) işə başlayıb. 1928 – Əməkdar memar Nazim Məmməd oğlu Hacıbəyov Bakıda doğulub. “Gülüstan” sarayının layihəsinə görə respublika Dövlət mükafatına (1982) layiq görülüb. Azərbaycan Memarlar İtifaqı sədrinin birinci müavini olub.
1929 – Xalq rəssamı Məmmədağa Hüseynağa oğlu Hüseynov (1929 – 20.1.2002) Bakıda doğulub. Kino rəssamı kimi tanınıb, 20-dən çox filmə (“Səhər”, “Böyük dayaq”, “Əhməd haradadır?”, “Bizim Cəbiş müəllim” və s.) bədii tərtibat verib.
1949 – Əməkdar müəllim Sevda İbrahim qızı Məmmədova anadan olub. Bakı şəhəri Ş.Ələkbərova adına 20 saylı onbirillik Musiqi məktəbinin direktorudur.
1950 – Əməkdar artist Tamilla Faiq qızı Bünyatova anadan olub. A.Şaiq adına Azərbaycan Dövlət Kukla Teatrının aktrisasıdır.
1977 – Əməkdar artist Ceyhun Şahbala oğlu Qubadov anadan olub. M.Maqomayev adına Azərbaycan Dövlət Akademik Filarmoniyasının solistidir.
1992 – Görkəmli bəstəkar, Xalq artisti, professor Əşrəf Cəlal oğlu Abbasov (23.3.1920 – 1992) vəfat edib. Ü.Hacıbəyli adına Azərbaycan Dövlət Konservatoriyasının rektoru (1953–1957) olub.
1909 – Əməkdar artist, müğənni Cahan Rza qızı Talışinskaya (1909 – 1.3.1967) Lənkəranda anadan olub. Musiqili Komediya Teatrında işləyib.
1924 – Xalq rəssamı, heykəltəraş Mirələsgər Mirəsədulla oğlu Mirqasımov (1924 – 9.11.2003) Bakı şəhərində anadan olub. Cəlil Məmmədquluzadənin (Naxçıvan), Cəfər Cabbarlının (Bakı) monumental abidələrinin müəllifidir.
1925 – Əməkdar artist, müğənni Rəhilə Mirələsgər qızı Həsənova (1925 – 28.2.2004) anadan olub.
1935 – Xalq rəssamı Cabbar Ağadadaş oğlu Qasımov (1935–2006) Bakıda doğulub. Bədii portretlər, plakatlar çəkib. Rəssamlar İtifaqında plakat bölməsinin rəhbəri olub. 1936 – Əməkdar incəsənət xadimi, bəstəkar Məmməd Mehdi oğlu Quliyev (1936– 2001) Göyçayda doğulub. “Aldanmış kəvakib” satirik operasının müəllifidir.
1937 – Kinorejissor Ramiz Paşa oğlu Əsgərov (1937 – 27.7.1967) anadan olub. “Mən ki gözəl deyildim” filminin çəkilişi zamanı həlak olub.
1946 – Əməkdar artist Əsgər Məmmədoğlu (1946 – 21.12.2015) Bakıda anadan olub. Akademik Milli Dram Teatrında çalışıb, filmlərdə, televiziya tamaşalarında yaddaqalan obrazlar yaradıb.
1953 – Əməkdar mədəniyyət işçisi Fəxrəddin Cahangir oğlu Məmmədov anadan olub. Azərbaycan Televiziyasının əməkdaşıdır.
1955 – Əməkdar artist Xanlar Allahverdi oğlu Həşimzadə anadan olub. Şəki Dövlət Dram Teatrının aktyorudur.
1956 – Əməkdar artist Zakir İsmayıl oğlu Ağayev anadan olub. Akademik Musiqili Teatrın baş baletmeysteridir.
1966 – Xalq artisti Şükufə İmran qızı Musayeva anadan olub. Şuşa Dövlət Musiqili Dram Teatrının aktrisasıdır, filmlərə çəkilib.
2012 – Prezident İlham Əliyev Azərbaycan ədəbiyyatının görkəmli nümayəndəsi, böyük şair Əhməd Cavadın 120 illik yubileyi haqqında sərəncam imzalayıb.
1911 – Məşhur tarzən, Xalq artisti Bəhram Məşədi Süleyman bəy oğlu Mənsurov (1911 – 14.5.1985) Bakıda doğulub. 1932-ci ildən Dövlət Opera və Balet Teatrının solisti və konsertmeysteri olub.
1912 – Memar, AMEA-nın müxbir üzvü Ənvər Əli oğlu Qasımzadə (1912 – 12.3.1969) anadan olub.
1921 – Məşhur aktyor Əbülhəsən Anaplı (Məmmədov; 1894, Quba – 1921) vəfat edib. Hacıbəyli qardaşlarının teatr truppasının aparıcı artistlərindən olub.
1923 – Şair, dramaturq İslam Əhməd oğlu Səfərli (1923 – 6.11.1974) Naxçıvan Muxtar Respublikası Babək rayonunun Şəkərabad kəndində doğulub. “Göz həkimi”, “Ana ürəyi”, “Yolayrıcı” və s. pyeslərin müəllifidir. Şeirlərinə mahnılar bəstələnib.
1925 – Filosof, professor Adil Yusif oğlu Nəcəfov (1925–1989) anadan olub.
1933 – Heykəltəraş, Əməkdar rəssam Elmira Mehralı qızı Hüseynova (1933 – 23.1.1995) anadan olub. Həsən bəy Zərdabi (Bakı), Cəfər Cabbarlı (Sumqayıt) və başqa görkəmli şəxslərin abidələrinin müəllifidir.
1933 – Xanəndə, Əməkdar artist Mais Qurban oğlu Salmanov (1933 – 25.7.2008) Şəmkir rayonunun Morul kəndində doğulub. Opera və Balet Teatrının solisti olub.
1955 – Əməkdar mədəniyyət işçisi, kino rəssamı Əziz Əmirbala oğlu Məmmədov anadan olub.
1957 – Əməkdar incəsənət xadimi, kino rəssamı Adil Çərkəz oğlu Azay anadan olub. Filmlərdə quruluşçu rəssam (“Ərazi”), geyim rəssamı (“Qəzəlxan”) işləyib.
1964 – Əməkdar artist Esmiralda Məmmədəli qızı Şahbazova anadan olub. C.Cabbarlı adına İrəvan Dövlət Azərbaycan Dram Teatrının aktrisasıdır.
2014 – Prezident İlham Əliyev böyük maarifçi, tarixçi alim, şair Abbasqulu ağa Bakıxanovun 220 illik yubileyinin keçirilməsi haqqında sərəncam imzalayıb.
1898 – Xalq artisti Viktor Petroviç Şarlaxov (1898–1989) anadan olub. Dövlət Rus Dram Teatrının aktyoru (1938–1953) olub, Dövlət mükafatına layiq görülüb.
1910 – Ədəbiyyatşünas alim, professor Nəzakət Həsən qızı Ağazadə (1910–1979) anadan olub. Azərbaycan Xalq Cümhuriyyəti Parlamentinin sədr müavini Həsən bəy Ağayevin qızıdır.
1927 – Xalq artisti Roza Heydər qızı Cəfərxanova (1927 – 18.5.2010) Naxçıvan MR Ordubad rayonunda doğulub. Naxçıvan Dövlət Musiqili Dram Teatrının aktrisası olub. 1946 – Xalq artisti Əliabbas Gülabbas oğlu Qədirov (1946 – 8.3.2006) Bakıda anadan olub. Akademik Milli Dram Teatrında çalışıb, teatra rəhbərlik (2002–2006) edib. Kinoda (“Qızıl uçurum”, “Nəğmə dərsi”, “Küçələrə su səpmişəm” və s.) yaddaqalan obrazlar yaradıb, Dövlət mükafatına (“Sevinc buxtası” – Nazim, 1978) layiq görülüb.
1946 – Əməkdar incəsənət xadimi, bəstəkar Faiq Həbib oğlu Nağıyev anadan olub. 1946 – Əməkdar incəsənət xadimi, kinorejissor Cəmil Əliqulu oğlu Fərəcov anadan olub. “Azərbaycanfilm” kinostudiyasında çalışıb. Sənədli filmlər, “Mozalan” kinojurnalı üçün sənədli və bədii süjetlər çəkib.
1951 – Əməkdar mədəniyyət işçisi Lətifə Əjdər qızı Mövsümova Masallı şəhərində anadan olub.
1952 – Tanınmış aktyor Şahmar Qərib oğlu Qəribli (1952–2018) anadan olub. H.Ərəblinski adına Sumqayıt Dövlət Dram Teatrında çalışıb, filmlərdə çəkilib, tamaşalara quruluş verib.
1952 – Əməkdar mədəniyyət işçisi Tamerlan Kamal oğlu Bağırov Naxçıvan şəhərində doğulub. Naxçıvan Dövlət Uşaq Filarmoniyasının baletmeysteridir.
1954 – Xalq artisti, tanınmış müğənni Nisə Fətulla qızı Qasımova Bakıda doğulub. 1971-ci ildə M.Maqomayev adına Dövlət Filarmoniyası nəzdindəki “Lalə” qızlar ansamblının solisti kimi sənət fəaliyyətinə başlayıb.
1956 – Xalq artisti Gülbacı Ələkbər qızı İmanova Bakıda anadan olub. Dövlət Xor Kapellasının bədii rəhbəri və baş dirijoru, Bakı Musiqi Akademiyasının professorudur. 1959 – Əməkdar incəsənət xadimi, sənətşünas alim Ədalət Məqsəd oğlu Vəliyev Bakıda anadan olub. Rus Dram Teatrının direktor müavini, Milli Dram Teatrının sərəncamçı direktoru işləyib. Mədəniyyət nazirinin müavini olub. Milli teatr prosesi, teatr sənətinin problemlərinə dair kitabların müəllifidir.
1971 – Xalq artisti Pərviz Müzəfər oğlu Məmmədrzayev anadan olub. Pantomima, Milli Dram teatrlarında çalışıb, Musiqili teatrın aktyorudur. Filmlərdə çəkilib, Mədəniyyət və İncəsənət Universitetinin müəllimidir.
1991 – Bakı Kamera Teatrı yaradılıb. Teatrın yaradıcı və rəhbəri Xalq artisti, rejissor Cənnət Səlimova idi. Bakı Kamera Teatrı 2009-cu ildə Gənc Tamaşaçılar Teatrına birləşdirilib.
2009 – Xalq şairi, dramaturq, ədəbiyyatşünas, akademik, Dövlət mükafatları laureatı Bəxtiyar Mahmud oğlu Vahabzadə (16.8.1925 – 2009) vəfat edib. 20-dək poemanın, 10 dram əsərinin (“Vicdan”, “Yollara iz düşür”, “Özümüzü kəsən qılınc” və s.) müəllifidir.
2014 – Prezident İlham Əliyev milli teatr və kino sənətinin görkəmli nümayəndəsi, Xalq artisti Lütfəli Abdullayevin 100 illik yubileyi haqqında sərəncam imzalayıb.
1918 – Memarlıq doktoru, Dövlət mükafatı laureatı Davud Ağa oğlu Axundov (1918 – 19.11.2003) anadan olub. Qafqaz Albaniyası dövründə Azərbaycan memarlığının tarixinə dair əsərlərin müəllifidir.
1925 – Xalq artisti, dirijor, Dövlət mükafatı laureatı Nazim Əsədulla oğlu Rzayev (1925 – 2.5.2006) anadan olub. Azərbaycan Dövlət Kamera Orkestrinin bədii rəhbəri olub, Türkiyədə çalışıb.
1939 – Əməkdar artist, tanınmış xanəndə Süleyman Cümşüd oğlu Abdullayev Füzuli rayonunun Sərdarlı kəndində anadan olub.
1940 – Azərbaycan Televiziyasının ilk diktorlarından Tamara Cəfər qızı Gözəlova-Ağamirova Bakıda anadan olub. “O olmasın, bu olsun” filmində (1956) Gülnaz roluna çəkilib. Milli Kitabxanada çalışıb.
1945 – Yazıçı-publisist, şair İntiqam Alı oğlu Mehdizadə İsmayıllı şəhərində doğulub. Azərbaycan Radiosunda “Bulaq”, “Dan yeri” və s. verilişlərin redaktoru olub.
1956 – Azərbaycan Televiziyasının yarandığı gündür. Həmin gün yayıma başlayan Bakı televiziya studiyası əvvəlcə həftədə 3 dəfə, 1957-ci ildən 5 dəfə ikisaatlıq proqramla efirə çıxıb. 1962-ci ildən televiziya gündəlik yayıma keçib.
1960 – Əməkdar artist Xudayət Məmməd oğlu Əsgərov anadan olub. Gəncə Dövlət Kukla Teatrının rejissorudur.
1980 – Görkəmli aktyor, rejissor, Xalq artisti Rza Təhmasib (20.4.1894 – 1980) vəfat edib. “Bakıda küləklər əsir”, “Qanun naminə” və s. filmlərdə çəkilib, “Onu bağışlamaq olarmı?” filminin rejissorudur. Azərbaycan Teatr Cəmiyyətinin sədri olub.
2007 – Parisdə, UNESCO-nun mənzil-qərargahında görkəmli xalçaçı, Xalq rəssamı Lətif Kərimovun 100 illik yubileyi münasibətilə xalça sərgisinin açılışı keçirilib. Yubileylə bağlı UNESCO-da beynəlxalq xalça simpoziumu da təşkil olunub.
2013 – Prezident İlham Əliyev görkəmli ədəbiyyatşünas, maarifpərvər, yazıçıpublisist Firidun bəy Köçərlinin 150 illik yubileyi haqqında sərəncam imzalayıb.
2014 – Prezident İlham Əliyev “Azərbaycan Respublikasının Mədəniyyət Konsepsiyası”nın təsdiq edilməsi haqqında sərəncam imzalayıb.
1909 – Əməkdar incəsənət xadimi, aktrisa Xədicə Bahəddin qızı Qazıyeva (1909 – 8.7.1991) Kazan şəhərində doğulub. 1926-cı ildə Azərbaycana gəlib, Naxçıvan Dövlət Musiqili Dram Teatrında çalışıb.
1914 – Xalq artisti, aktyor Muxtar Həsən oğlu Avşarov (1914 – 6.12.2004) anadan olub. Gəncə Dram, Akademik Milli Dram, Bakı Bələdiyyə teatrlarında çalışıb. “Dəli Kür”, “Qaçaq Nəbi”, “Kişi sözü” və s. filmlərdə çəkilib.
1922 – Əməkdar mədəniyyət işçisi Mirəziz Ziyad oğlu Rəfiyev (1922–2007) Yardımlıda anadan olub. Tarix-Diyarşünaslıq Muzeyinin direktoru işləyib.
1923 – Sənətşünaslıq namizədi, professor Xanlar Həmid oğlu Məlikov (1923– 1999) anadan olub.
1924 – Ədəbiyyatşünas, professor Fəridə Şamil qızı Vəzirova (1924–1986) anadan olub.
1933 – Əməkdar artist Bürcəli Veysəl oğlu Əsgərov (1933 – 1.11.2005) Borçalı bölgəsinin Qasımlı kəndində doğulub. Milli Dram Teatrında çalışıb. Filmlərə, televiziya tamaşalarına çəkilib.
1936 – Əməkdar artist, vokalçı Sona Məmməd qızı Həsənova Gəncədə doğulub. Azərbaycan Dövlət Filarmoniyasının solisti, Musiqili Komediya Teatrının aktrisası olub.
1937 – Azərbaycan Bəstəkarlar İtifaqında növbəti hesabat-seçki toplantısı keçirilib. Üzeyir Hacıbəyli təşkilata sədr seçilib. Böyük bəstəkar ömrünün sonunadək (1948) Bəstəkarlar İtifaqına rəhbərlik edib.
1955 – Əməkdar mədəniyyət işçisi İsgəndər Qurbanov anadan olub.
1947 – Əməkdar incəsənət xadimi Mehriban Saleh qızı Bəşirzadə anadan olub. Azərbaycan Televiziyasında çalışır.
1973 – Əməkdar artist Tünzalə Məcid qızı Əliyeva Gəncədə anadan olub. Gəncə, İrəvan Azərbaycan Dram teatrlarında çalışıb, filmlərə çəkilib.
2005 – Xalq artisti Xuraman Hacıyeva (7.3.1945 – 2005) vəfat edib.
2008 – Prezident İlham Əliyev “Azərbaycan Xalq Cümhuriyyətinin 90 illik yubileyi haqqında” sərəncam imzalayıb.