Salyan MKS-nin Seyidsadıqlı kənd kitabxana filialı şair, nasir, dramaturq, publisist, tərcüməçi, ssenarist, 1945-ci ildən Azərbaycan Yazıçılar Birliyinin üzvü, Azərbaycan dövlət mükafatı laureatı, Azərbaycanın Əməkdar incəsənət xadimi, Azərbaycanın Xalq şairi Nəbi Xəzrinin anadan olmasının 95 illiyinə həsr edilən məlumat saatı keçirmişdir. Kitabxanaçı məktəblilərə şairin dilimizin poetik imkanlarından ustalıqla bəhrələnərək poeziyanın gözəl nümunələrini yaratmaqla ədəbi dilimizin inkişafına töhfələr verməsi haqqında məlumat verdi.

Salyan rayon MKS-nin Qaraçala qəsəbə kitabxana filialı Azərbaycan şairi, 1959-cu ildən Azərbaycan Yazıçılar Birliyinin üzvü, Azərbaycanın Əməkdar incəsənət xadimi Tofiq Bayramın anadan olmasının 85 illiyinə həsr edilən tədbir keçirdi. Kitabxanaçı məktəblilərlə şairin “Azərbaycan deyəndə” şeirini müzakirə etmişdir.

Salyan MKS-nin Marışlı kənd kitabxana filialı kənd sakinlərinə səyyar kitabxana xidməti göstərmişdir.

Salyan rayon Mərkəzi Kitabxanasında Prezident İlham Əliyevin 28 yanvar 2019-cu il tarixli Sərəncamına əsasən böyük Azərbaycan nasiri, ədəbiyyatşünas, publisist, yazıçı, pedaqoq, ssenarist, 1949-cu ildən Azərbaycan Yazıçılar Birliyinin üzvü, "Azərbaycan Komsomolu" mükafatı laureatı, filologiya elmləri namizədi, Azərbaycanın Xalq yazıçısı, Azərbaycan Respublikası Ali Sovetinin deputatı, Azərbaycan Yazıçılar İttifaqının sədri, Azərbaycan Yazıçılar Birliyinin Ağsaqqallar Şurasının sədri seçilmiş, M.F.Axundov adına ədəbi mükafat laureatı İsmayıl Şıxlının anadan olmasının 100 illiyinə həsr edilmiş “Xalq yazıçısı İsmayıl Şıxlının yaradıcılığında tarixilik və millilik” adlı ədəbi-bədii gecə keçirilmişdir. Tədbiri Kitabxananın direktoru Səidə Əliyeva giriş sözü ilə açaraq yazıçı haqqında məlumat verdi. Tədbirin aparıcısı şair, jurnalist Əzizağa Məmmədli yazıçı haqqında geniş məlumat verdi. Tədbirdə şairlərdən Zabil Pərviz, Əlimirzə Bəşirov, Azərbaycan Yazıcılar Birliyinin Muğan bölməsinin sədri Nəbi İbrahimov, kitabxananın fəal oxucusu Vaqif İslamov yazıçı haqqında ürək sözlərini söylədilər. Salyan Uşaq-Gənclər İnkişaf Mərkəzinin direktor müavini İlhamə Xudazarova yazıçı haqqında məruzə ilə çıxış etdi və Mərkəzin uşaqları ilə birlikdə yazıçının “Dəli Kür” əsərindən kiçik bir səhnəni təqdim etdilər.