Salyan rayon MKS-nin 3 saylı şəhər kitabxanası və 20 Yanvar qəsəbə kitabxana filialı görkəmli alim, istedadlı yazıçı İsmayıl Şıxlının doğumunun 100 illiyi münasibəti ilə 2 saylı şəhər məktəbində tədbir təşkil etmişdir. Tədbirdə İsmayıl Şıxlının həyat və yaradıcılıq yolu, yazıçının “Dəli Kür” romanı əsasında çəkilmiş tammetrajlı film haqqında kitabxanaçılar tərəfindən şagirdlərə ətraflı məlumat verilmişdir.

Salyan rayon MKS-nin 4 saylı şəhər kitabxana filialı 5 saylı orta məktəbdə məktəblilərlə birlikdə Ümummilli Lider Heydər Əliyevin anım günü münasibətilə "Xalqın xilaskarı" adlı tədbir təşkil etdi.

Salyan rayon MKS-nin Seyidlər kitabxana filialı xalqımızın Ümummilli lideri, Ulu Öndər Heydər Əliyevin anım gününə həsr edilən söhbət saatı təşkil etdi. Kitabxanaçı şəxsiyyətlərin gücü, ağlı, cəsarəti, siyasi iradəsi və müdrikliyi mənsub olduğu xalqın, onun yaratdığı dövlətin həyatında əvəzedilməz rola malik olması, bu şəxsiyyətlər arasında müasir, müstəqil Azərbaycan dövlətinin memarı və qurucusu, Ulu öndər Heydər Əliyevin özünəməxsus yeri olması haqqında məktəblilərə məlumat verdi.

Salyan rayon MKS-nin Seyidsadıqlı kənd kitabxana filialı Azərbaycanda həm bir yazıçı, həm də bir ictimai-siyasi xadim kimi kilayət qədər geniş tanınan yazıçı, ədəbiyyatşünas, publisist, İsmayıl Şıxlının doğumunun 100 illiyinə həsr edilən məlumat saatı təşkil etdi. Kitabxanaçı İsmayıl Şıxlının səliqəli, zəhmətkeş və əqidəli bir insan olması, onu nasir, roman ustası kimi formalaşdıran da xarakterinin məhz bu cəhətlərinin olması haqqında məktəblilərlə söhbət apardı.