Azərbaycan Respublikasının Birinci vitse-prezidenti Mehriban Əliyevanın dahi şair və mütəfəkkir İmadəddin Nəsiminin 650 illik yubileyi münasibətilə respublikamızda bir gündə 650 min ağacın əkilməsi təşəbbüsünə Salyan rayonunun sakinləri də böyük ruh yüksəkliyi ilə qoşulmuşlar.

Dekabrın 6-da rayon ərazisində keçirilən genişmiqyaslı kampaniya Salyan şəhəri də daxil olmaqla, rayonun 20 inzibati ərazi dairəsinə daxil olan yaşayış məntəqələrini əhatə etmişdir.
Aksiyada Salyan Rayon İcra Hakimiyyətinin başçısı Sevindik Hətəmov, hüquq-mühafizə orqanlarının rəhbərləri, mədəniyyət müəssisələri, ziyalılar, gənclər və ictimaiyyət nümayəndələri iştirak etmşlər. Ümumilikdə akisiyada 2000-dən çox insan iştirak etmişdir.