Neftçala rayon MKS-nin 1 saylı şəhər kitabxana filialı M.Səfərov adına İnteqrasiya təlimli internat tipli gimnaziyada Milli Qəhrəmanlar Aqil Musayev və Əsgər Əliyevin 45 illikləri ilə əlaqədar “Azərbaycan zabiti heç vaxt düşmənə təslim olmayacaq” adlı anım günü keçirdi.

Neftçala rayon MKS-nin Qədimkənd kənd kitabxana filialında balaca fidanlarla “Bizim nağıl dünyamız” adlı nağıl saatı keçirildi.

Neftçala rayon MKS-nin 2 saylı şəhər kitabxana filialında məktəblilər “Təbiət dinclik bilmir və tənbəlliyi cəzalandırır” adlı məktəb layihələrini hazırladılar. Kitabxananın multimedia resursları üzrə mütəxəssisi P.Həsənova məktəbliləri fondda olan təbiət elmlərinə aid kitablarla tanış etdi və layihələrini hazırlamaqda onlara kömək etdi.

Neftçala rayon MKS-nin Dördlər kənd kitabxana filialının kitabxanaçıları kənd bağçasında nağıl saatı keçirdilər.

Neftçala rayon MKS-nin Həsənabad qəsəbə kitabxana filialının qonaqları Nazilə nənə və nəvələri oldu. Onlar “Uşaqlar üçün nağıl dünyası” guşəsi, “Aydın səma altında” fotostendi, “Nağılları sevirsinizmi?” adlı sərgi ilə tanış oldular və bu tanışlıq onların xoşuna gəldi.

Neftçala rayon MKS-nin 1 saylı şəhər kitabxana filialının kitabxanaçıları təqaüdçü oxucular Akif və Qönçə İsmayılovların evində səyyar xidmət təşkil etdilər.