Neftçala rayon Heydər Əliyev Mərkəzində Müstəqillik vətənpərvərlik mövzusunda silsilə tədbirlər davam edir. Belə ki, mədəniyyət işçiləri, dövlət orqanlarının nümayəndələri və Neftçala sakinlərinin iştirakı ilə "Biz müstəqilik" adlı sərgi və tədbir təşkil olundu. Tədbirdə Neftçala şəhər 1 saylı tam orta məktəbin şagirdləri kompozisiya ilə çıxış etdilər. Eyni zamanda, Heydər Əliyev Mərkəzinin nəzdində fəaliyyət göstərən rəsm dərnəyinin, Neftçala şəhər Uşaq incəsənət məktəbinin şagirdlərinin, Neftçala Dövlət Rəsm Qalereyasının rəsm dərnəyi üzvlərinin vətənpərvərlik mövzusunda əl işlərindən ibarət sərgi nümayiş etdirildi.