Neftçala rayon MKS-nin Həsənabad qəsəbə kitabxana filialında görkəmli şərqşünas, tərcüməçi, ədəbiyyatşünas alim Aida İmanquliyevanın 80 illik yubileyi münasibətilə “Böyük qəlbin işığında” adlı məlumat günü keçirildi.

Neftçala rayon Mərkəzi Kitabxananın Oxuculara xidmət şöbəsində dahi şair Məhəmməd Füzulinin 525 illiyi ilə əlaqədar “Azərbaycan türk şerinin tacidarı” adlı biblioqrafik icmal təqdim olundu. Tədbirdə kitabxanaçı P.Möhnətova şairin həyat və yaradıcılığından danışaraq qeyd etdi ki, Məhəmməd Füzuli divan janrının ən möhtəşəm nümayəndələrindən biri kimi tanınır. Füzuli – ana dilimizdə yaranmış şeirin ən gözəl nümunələri olan əsərləri ilə ədəbi-bədii dilimizi yüksəkliklərə qaldırmış, klassik Azərbaycan, habelə digər türk xalqlarının poeziyasına misilsiz təsir göstərən ədəbi məktəb yaratmış dahi şair və mütəfəkkirdir. Sonra Muğan liseyinin dil-ədəbiyyat müəlliməsi V.Qafarova dahi şair M.Füzulinin “Söz” qəzəlindən bir parça səsləndirdi.

Neftçala rayon MKS-nin 2 saylı şəhər kitabxana filialı Beşminlik kənd ibtidai məktəbində “Kitab oxu, gələcəyini toxu” adlı səyyar xidmət təşkil etdi.

Neftçala rayon MKS-nin 3 saylı şəhər kitabxana filialında görkəmli şərqşünas alim, professor Aida İmanquliyevanın 80 illik yubileyi münasibətilə məlumat günü keçirildi.

Neftçala rayon MKS-nin Boyat kənd kitabxana filialında oxucular üçün “Mən istəyirəm ki..... ardını sız tamamlayın uşaqlar” adlı  yeni yanaşma üsulu həyata keçirilmişdir ki, onların fikir və təkliflərinin kitabxana işində tətbiqi kitabxanaya marağı daha da artıracaq və kitabxana onların sevimli məkanına çevriləcəkdir.

Neftçala rayon MKS-nin Qardaşbəyli kənd kitabxana filialında milli qəhrəmanlar Rzayev Rövşən, Məmmədov Kazım və Babayev Çingizə həsr olunmuş “Mərd igidlər örnək ömür yaşayar” başlıqlı sərgi təşkil edildi.

Neftçala rayon MKS-nin Şorkənd kənd kitabxana filialı Kür çayının sahilində fəal oxucularla mütaliə saatı keçirdi.