Salyan rayon MKS-nin Həsənli kənd kitabxana filialı kənd məktəbində Azərbaycan romantizminin tanınmış nümayəndələrindən biri, şair Məhəmməd Hadinin 140 illiyinə həsr edilən məlumat saatı keçirdi.

Salyan rayon MKS-nin Çuxanlı kənd kitabxana filialı məktəb müəllimləri ilə birlikdə şərqşünas alim Aida İmanquliyevanın 80 illiyinə həsr olunmuş tədbir təşkil etdi.

Salyan rayon MKS-nin Seyidsadıqlı kənd kitabxana filialı kənd məktəbində məktəblilərlə birlikdə Azərbaycanın Milli Qəhrəmanları Rövşən Rzayevin 50, Kazım Məmmədovun 50, Çingiz Babayevin 55, Ruslan Polovinkonun 50 illiyinə həsr edilmiş "İgid oğullarımız" adlı tədbir keçirdi. Kitabxanaçı məktəblilərə qəhrəmanlarımızın göstərdikləri igidlik haqqında məlumat verdi.

Salyan rayon Mərkəzi Kitabxanasında Azərbaycan və Türkiyə ictimai xadimi, siyasətçisi, jurnalisti, pedaqoqu, yazıçısı və türkoloqu Əhməd Ağaoğlunun 150 illiyinə həsr edilən dəyirmi masa ətrafında məlumat saatı keçirildi. Tədbirdə kitabxananın fəal oxucuları, Kürqaraqaşlı, Arbatan kənd məktəbinin məktəbliləri iştirak etdilər.Tədbirdə kitabxananın direktoru Səidə Əliyeva pedaqoq haqqında məlumat verdi. Kitabxanaçılar  Əhməd bəy Ağaoğlu haqqında geniş məruzə edərək onun əsərlərində milli qurtuluşa gedən yolun cəmiyyətin mədəni və təhsili inkişafından keçdiyini bildirməsi, 1901-ci ildə çapdan çıxan "İslam dünyasında qadın" adlı kitabında "Azad qadınsız milli inkişaf ola bilməz" fikrini sübuta yetirməsi, gənc yaşlarından ərəb, fars, rus, yunan, latın, ingilis, alman, fransız dillərini, ədəbiyyatı və mədəniyyətlərini mükəmməl öyrənməsi haqqında oxuculara məlumat vermişdir.

Salyan rayon MKS-nin Seyidsadıqlı kənd kitabxana filialı Azərbaycan rəqsinin günəşi Əminə Dilbazinin 100 illiyinə həsr olunmuş imformasiya saatı keçirmişdir.

Salyan rayon MKS-nin Aşağı Noxudlu kənd kitabxana filialı "Müstəqilliyimiz əbədidir " adlı tədbir keçirdi. Kitabxanaçılar və kənd məktəbinin tarix müəllimi Zülfiyyə müəllimə məktəblilərlə söhbət apardılar.

Salyan rayon Marışlı kənd kitabxana filialı və Marışlı kənd Mədəniyyət Evi ilə birlikdə 18 Oktyabr Müstəqillik Gününə həsr olunmuş tədbir keçirmişdir.

Salyan rayon MKS-nin Sarvan kənd kitabxana filialı kənd məktəbində Azərbaycanın Milli Qəhrəmanı Çingiz Babayevin 55 illiyinə həsr edilən məlumat saatı təşkil etdi. Kitabxananın müdiri Qasımova Lətifə milli qəhrəmanlarımızın göstərdikləri igidliklər haqqında məktəblilərlə söhbət apardı.

Salyan rayon MKS-nin Düzənlik kənd kitabxana filialı, Alçalı kənd kitabxana filialı və Qaraçala qəsəbə kitabxana filialı Azərbaycan rəqqasəsi, baletmeyster və pedaqoq, milli rəqslərin ustası Əminə Dilbazinin 100 illiyinə həsr edilən söhbət və sərgi təşkil etmiş, Azərbaycan rəqsi haqqında məktəblilərə məlumat vermişdir.

Salyan rayon MKS-nin Ərəbqardaşbəyli kənd kitabxana filialı Müstəqillik Gününə həsr olunmuş "Çiçəklənən müstəqil Azərbaycanım" adlı tədbir keçirdi. Kitabxanaçı məktəblilərə məlumat verdi, sonda isə məktəblilər şeir kompozisiyası təqdim etdilər.

Salyan rayon MKS-nin Babazanlı kənd kitabxana filialı 18 Oktyabr Müstəqillik Gününə həsr olunmuş "Çiçəklənən dövlətim" adlı tədbir keçirmişdir.

Salyan rayon MKS-nin Uşaq şöbəsi 2 saylı tam orta məktəblə birlikdə "Müstəqilliyimiz əbədidir!" adlı tədbir keçirdi. Tədbirdə Zəminə müəllimə geniş məruzə ilə çıxış etdi.

Salyan rayon MKS-nin Düzənlik kənd kitabxana filialı kənd məktəbi ilə birlikdə Dövlət Müstəqilliyi gününə həsr olunmuş tədbir təşkil etdi

Salyan rayon Mərkəzi Kitabxanasında 18 Oktyabr Azərbaycanın Müstəqilliyinin 28-ci ildönümü münasibətilə “"Müstəqilliyimiz əbədidir, dönməzdir “ başlığı altında tədbir keçirildi.